QISHLOQ XO‘JALIGI MAHSULOTLARINI QAYTA ISHLASH TEXNOLOGIYASI, STANDARTLASH VA SERTIFIKATLASH KAFEDRASI

QISHLOQ XO‘JALIGI MAHSULOTLARINI QAYTA ISHLASH TEXNOLOGIYASI, STANDARTLASH VA SERTIFIKATLASH KAFEDRASI

           Kafedra 1993 yil Samarqand qishloq xo‘jalik instituti tarkibida “Konservalash texnologiyasi” va “Teri va mo‘ynani qayta ishlash texnologiyasi” ta’lim yo‘nalishi asosida “Mahsulotlarni qayta ishlash kimyoviy texnologiyasi va organik kimyo” kafedrasi sifatida tashkil topgan. 1997 yilda ta’lim yo‘nalishlari “Oziq-ovqat mahsulotlari texnologiyasi” ta’lim yo‘nalishiga o‘zgartirilganligi uchun kafedra nomi “Mahsulotlarni qayta ishlash texnologiyasi va organik kimyo” deb o‘zgartirilgan.

           2001 yil sentyabrdan boshlab yo‘nalish “Qishloq xo‘jalik mahsulotlarini yetishtirish, saqlash va dastlabki qayta ishlash texnologiyasi” bo‘lganligi uchun kafedra “Qishloq xo‘jalik mahsulotlarini tayyorlash, saqlash va qayta ishlashni tashkil etish” deb nomlandi.

            2015 yilda klassifikatorda bo‘lgan o‘zgarishlar tufayli kafedra “Qishloq xo‘jalik mahsulotlarini saqlash va ishlov berish texnologiyasi” nomini olgan.

            2018 yildan Samarqand veterinariya meditsinasi instituti tarkibida “Chorvachilik va o‘simlik mahsulotlarini saqlash, qayta ishlash texnologiyasi” kafedrasi deb nomlandi.

           2022 yildan Samarqand davlat veterinariya meditsinasi, chorvachilik va biotexnologiyalar universiteti tarkibida “Qishloq xo‘jaligi mahsulotlarini qayta ishlash texnologiyasi, standartlash va sertifikatlash” kafedrasi deb nomlandi.

            2024 yilda Samarqand davlat veterinariya meditsinasi, chorvachilik va biotexnologiyalar universiteti tarkibida “Mahsulotlarini ishlab chiqarish, saqlash va qayta ishlash texnologiyasi” kafedrasi sifatida faoliyat ko‘rsatib kelmoqda.