O‘zbekiston Respublikasi Prezidentining 2018-yil 8-maydagi PQ-3703-sonli qarorga asosan Samarqand davlat veterinariya meditsinasi, chorvachilik va biotexnologiyalar universiteti tashkil etilgan bo‘lib uning tarkibida yangi fakultet sifatida “Biotexnologiya, chorvachilik mahsulotlarini qayta ishlash texnologiyasi” fakulteti ish boshlagan. O‘zbekiston Respublikasi Prezidentining 2022-yil 31-martdagi “Veterinariya va chorvachilik sohasida kadrlar tayyorlash tizimini tubdan takomillashtirish to‘g‘risida” gi PQ-187 son qaroriga asosan Samarqand veterinariya meditsinasi instituti negizida Samarqand davlat veterinariya meditsinasi, chorvachilik va biotexnologiyalar universiteti tashkil etildi. Bugungi kunda universitet rektorining 2022-yil 31-avgustdagi №147 -sonli buyrug’iga asosan “Biotexnologiya” fakulteti sifatida qayta tashkil etildi. Hozirgi davrda 550 nafardan ortiq talabalar tahsil olmoqda, 2021-2022 o’quv yilida fakultetning 3 ta ta’lim yo‘nalishi bo’yicha 143 nafar dastlabki bitiruvchilari ishlab chiqarishga yo‘llanma olishib, Respublikaning barcha viloyatlari korxona tashkilotlar va fermer xo;jaliklarida faoliyat ko’rsatayapti.
Kafedralar
BIOTEXNOLOGIYA KAFEDRASI
Batafsil
Kafedralar
VETERINARIYA FARMATSEVTIKASI KAFEDRASI
Batafsil
Kafedralar
BIOLOGIYA, EKOLOGIYA VA DORIVOR O'SIMLIKLAR KAFEDRASI
Batafsil
FAKULTET O'QUV-USLUBIY ISHLARI
“Kadrlar tayyorlash milliy dasturi”ning asosiy talablaridan biri o‘quv adabiyotlarining yangi avlodini yaratish va o‘quv-uslubiy majmualarni ishlab chiqish hamda o‘quv jarayoniga joriy etish hisoblanadi. Ishlab chiqilgan Davlat ta’lim standarti asosida avvalo Vazirlar Mahkamasi huzuridagi DTM vakillari tomonidan ekspertizadan o‘tkazildi. Ishlab chiqilib tasdiqlangan DTS ga asosan 1-kurs talabalari institut rektorining 27.08.2021 yildagi, 2-bosqich talabalari O‘zR OO‘MTVning 2020 yil 14 avgustdagi № 418-sonli hamda 3- va 4- kurs 2018 yil 25 avgustdagi 744-sonli buyrug‘i bilan tasdiqlanib, ishlab chiqilgan MT va namunaviy o‘quv rejalari 5 ta bakalaviriyat ta’lim yo‘nalishlari ishlab chiqilib o‘quv jarayonida foydalanilmoqda. Intelektual salohiyatiga ega, ilm-fanning zamonaviy yutuqlari asosida mustaqil fikr va mulohaza yurita oladigan shaxslarni tarbiyalash hamda raqobatbardosh, yuqori malakali kadrlarni tayyorlashda o‘quv adabiyotlarining yangi avlodini yaratish talab qilinmoqda. Fakultet professor-o‘qituvchilari tomonidan yangi darsliklar, o‘quv qo‘llanmalar, o‘quv va uslubiy ko‘rsatmalar tayyorlash, ularni chop etish, ta’lim yo‘nalishlarini o‘tiladigan fanlar bo‘yicha adabiyotlar bilan ta’minlash borasida keng qamrovli ishlar olib borilmoqda.
Ta’lim yo‘nalishlari:
60710200-Biotexnologiya (tarmoqlar bo‘yicha)
60840200-Veterinariya farmatsevtikasi
60840500-Veterinariya biotexnologiyasi
60812100-Dorivor o‘simliklar yetishtirish va qayta ishlash texnologiyasi
60710400-Ekologiya va atrof-muhit muhofazasi (tarmoqlar va sohalar bo‘yicha)
- mazkur ta’lim yo‘nalishi bo‘yicha malaka talablari, o‘quv reja va fan dasturlarini ishlab chiqish va yangilash, ular asosida o‘quv jarayonini samarali amalga oshirish uchun mas’ul hamda o‘z vakolat doirasida bitiruvchilaming tayyorgarlik darajasiga javob beradigan oliy ta’lim tashkilotining boshqaruv xodimlari (rektor, prorektorlar, o‘quv –uslubiy boshqarma boshlig‘i, fakultet dekani va kafedra mudirlari) va professor-o‘qituvchilari;
- ta’lim yo‘nalishining o‘quv rejasi va fan dasturlarini o‘zlashtiruvchi oliy ta’lim tashkilotining talabalari;
- bakalavriat bitiruvchilarining tayyorgarlik darajasini baholashni amalga oshiruvchi Davlat attestatsiya komissiyalari;
- ta’limni boshqarish bo‘yicha vakolatli davlat organlari;
- oliy ta’lim tashkilotlarini moliyalashtirishni ta’minlovchi organlar;
- oliy ta’lim tizimini akkreditatsiya va sifatini nazorat qiluvchi vakolatli davlat organlari;
- kadrlar buyurtmachilari va ish beruvchi tashkilot va korxonalar;
- oliy ta’lim tashkilotlariga o‘qishga kirayotgan abituriyentlar, ularning ota-onalari va boshqa manfaatdor shaxslar.
Fakultet qoshida quyidagi o’quv-ilmiy laboratoriyalar faoliyat olib bormoqda:
-Biotexnologiya kafedrasi qoshida universitetimizning O’quv-ilmiy labaratoriya binosining 1 qavat 669,676,678,679 xonalariga joylashtirilib jihozlangan “Biotexnologiya o’quv labaratoriyasi” mavjud. 
Ushbu ta’lim yo‘nalishlari bo‘yicha bakalavrlar tayyorlash kunduzgi ta’lim shaklida 60840500- Veterunariya biotexnologiyasi, 60812100-Dorivor o‘simliklar yetishtirish va qayta ishlash texnologiyasi ta’lim yo’nalishlari, kunduzgi va sirtqi ta’lim shakllarida esa 60710200-Biotexnologiya (tarmoqlar bo‘yicha), 60840200-Veterinariya farmatsevtikasi, 60710400-Ekologiya va atrof-muhit muhofazasi (tarmoqlar va sohalar bo‘yicha) ta’lim yo’nalishlarida amalga oshiriladi. Barcha ta’lim shakllari bo‘yicha o‘qitish kredit-modul tizimi asosida tashkil qilinadi. Kunduzgi ta’limda bakalavriat dasturining me’yoriy muddati 4 yil.
Fakultetda mavjud bo‘lgan ta’lim yo‘nalishi bo’yicha adabiyotlar bilan ta’minlanganlik darajasi tahlili bo‘yicha o‘quv rejasidagi fanlardan ta’minlanish darajasi 70 foizdan 100 foizgachani tashkil qiladi.
.
FAKULTET ILMIY – TАDQIQOT ISHLАRI
Biotexnologiya fakulteti hozirgi kunda Samarqand viloyatidagi SAG AGRO MCHJ ga qarashli “Bog‘bon “ in vitro labaratoriyasi, Veterinariya ilmiy tadqiqot instituti, “O‘ZBIOKOMBIONAT” MCHJ, OOO “Integral DD”MJ, Samarqand Dori-darmon AJ, Samarqand viloyat Ekologiya va atrof-muhitni muhofaza qilish boshqarmasi, O’rmon xo’jalik bo’limlari bilan ilmiy tadqiqot ishlarida faol hamkorlik olib bormoqda. Hozirgi kunda fakultetimizda 3 ta professor (DSc), 11 nafar dotsent (PhD), 3 nafar assistant (PhD), 4 nafar ilmiy izlanuvchi xodim (katta o‘qituvchi), 7 nafar mustaqil izlanuvchi (PhD)lar faoliyat yuritmoqda. Fakultetimiz 3 ta ilmiy to‘garak faoliyat yuritib kelmoqda. To‘garakda jami 287 nafar talabalar ilmiy tadqiqod ishlari bilan shug‘ullanib kelmoqda.
Fakultetda xalqaro aloqalar va xalqaro ilmiy hamkorlik yaxshi yo‘lga qo‘yilgan. Butunrossiya dorivor va aromatik o’simliklar ilmiy-tadqiqot instituti, Rossiya ferderasiyasi Maskva shahridagi “BION-NAVO” kompaniyasi, Vitebsk ordeni “Faxriy yorliqli” davlat veterinariya meditsinasi akademiyalari bilan ilmiy hamkorlik yo‘lga qo‘yildi.
Fakultet ixtisoslashuviga mos 10 ga yaqin korxonalar bilan hamkorlik shartnomalari asosida ilmiy tadqiqot ishlari olib borilmoqda.
.
