VETERINARIYA FARMATSEVTIKA KAFEDRASI

VETERINARIYA FARMATSEVTIKA KAFEDRASI

     “Veterinariya farmatsevtikasi” kafedrasi 2021-yilda O‘zbekiston Respublikasi Prezidentining 2018-yil 5-iyundagi “Oliy  ta’lim muassasasining ta’lim sifatini oshirish va ularning mamlakatda amalga oshirilayotgan keng qamrovli islohatlarda faol ishtirokini  ta’minlash to‘g‘risida”gi 3775-sonli qarori hamda 2022-yil 31-martdagi “Veterinariya va chorvachilik sohasidagi kadrlar tayyorlash tizimini tubdan takomillashtirish to‘g‘risida”gi 187-sonli qarorlariga muvofiq tashkil qilindi. Kafedrada jami 16 nafar professor-o‘qituvchilar va hodimlar; 3 nafar dotsentlar, 1 nafar katta o‘qituvchi veterinariya fanlar nomzodi, 1 nafar v.f.f.d. (PhD), 1 nafar k.f.f.d. (PhD) va 7 nafar assistentlar hamda 1 nafar laboratoriya mudiri, 2 nafar laborantlar bilan faoliyat olib borilmoqda. Kafedrada bakalavr va magistr mutaxassislarini tayyorlash bo‘yicha zamonaviy pedagogik texnologiyalar asosida bilim olishi uchun barcha shart sharoitlar yaratilgan. Talabalarning nazariy bilimlarini amaliyot bilan uzviy bog‘langan holda olib borishmoqda jumladan O‘zbekiston-Buyuk Britaniya-Rossiya qo‘shma korxonasi “Uzbiokombinat”da,  “Integra DD” Bolgariya va O‘zbekiston qo‘shma korxonasi, “Samarqand Dori-darmon” aksionerlik jamiyatda, Samarqand viloyat o‘rmon xo‘jaligi boshqarmasi, Veterinariya ilmiy tadqiqot institutida hamda bir qator viloyat veterinariya  va chorvachilikni rivojlantirish boshqarmalari bilan shartnomalar tuzilgan. Hamkorlik shartnomalari asosida o‘quv va malakaviy amaliyotlar olib borilmoqda. Top-1000 talikka kirgan xorijiy Oliy ta’lim muassasasi Qozog‘iston Respublikasining “Muxtor Auezov” nomidagi Janubiy Qozog‘iston Universiteti bilan o‘zaro hamkorlik shartnomasi imzolangan. Shu asosida talabalarga hozirgi zamon pedagogik texnologiyalarini qo‘llab ma’ruza, amaliyot va laboratoriya mashg‘ulotlari olib borilmoqda. Kafedrada 60840200-“Veterinariya farmatsevtikasi” ta’lim yo‘nalishi va 70840201-“Veterinariya farmatsevtikasi ishini tashkil qilish va boshqarish” mutaxassisligi bo‘yicha bakalavr va magistrlar tayyorlash yo‘lga qo‘yilgan.