Top Bar
SamDVMCHBU
Rasmiy Sayti
Samarqand sh, Mirzo Ulug'bek 77
Manzil
ssuv@edu.uz
Elektron pochta
+998 55 707-76-86
Ishonch Telefon
+998 55 707-76-86
Ishonch Telefon
Fakultetlar
VETERINARIYA DIAGNOSTIKA VA OZIQ-OVQAT XAVFSIZLIGI FAKULTETI
O’zbekiston Respublikasi Prezidentining 2018-yil 8-maydagi PQ-3703-sonli qarorga asosan Samarqand davlat veterinariya meditsinasi, chorvachilik va bitexnologiylar universiteti tashkil etilgan bo’lib uning tarkibida yangi fakultet sifatida Veterinariya diagnostikasi va oziq-ovqat xavfsizligi fakulteti ish boshlagan. Hozirgi davrda 500 nafardan ortiq talabalar tahsil olib, 2022-yilda fakultetning 112 nafar dastlabki bitiruvchilari veterinariya xizmatiga yo’llanma olishdi.
Veterinariya diagnostikasi va oziq-ovqat xavfsizligi fakultetida quyidagi bakalavriatura ta’lim yo’nalishlari mavjud:
Veterinariya sanitariya ekspertizasi – go‘sht va sut korxonalari, kushxonalar, chorva mahsulotlarini qayta ishlaydigan korxonalar, logistika markazlari, zaxira oziq-ovqat omborlari, dehqon bozorlari, veterinariya-sanitariya ekspertizasi laboratoriyalari, oziq-ovqat mahsulotlari yetishtiradigan korxonalar, savdo obektlari va go‘sht mahsulotlarini sifatini oshirishga yo‘naltiriladi.
Veterinariya diagnostikasi va laboratoriya ishlari – epizootik va epidemiologik barqarorlikni ta’minlash, infeksion kasalliklarning diagnostikasi, aholini zooantroponoz kasalliklardan himoya qilish, normativ hujjatlarni ishlab chiqish va amaliyotga tadbiq etish, qishloq xo‘jalik va uy hayvonlari, mo‘ynali, ekzotik va yovvoyi hayvonlar, parrandalar, asalarilar va baliqlarga veterinariya xizmati ko‘rsatish.
Ilyosov Zafar Ilyos o‘g‘li
Veterinariya diagnostikasi va oziq-ovqat xavfsizligi fakultetining ilmiy ishlar va innovatsiyalar bo‘yicha dekan o‘rinbosari
Profile →
✦
International uz
Batafsil International uz
.✦
FAKULTET O'QUV-USLUBIY ISHLARI
Kadrlar tayyorlash milliy dasturi”ning asosiy talablaridan biri o‘quv adabiyotlarining yangi avlodini yaratish va o‘quv-uslubiy majmualarni ishlab chiqish hamda o‘quv jarayoniga joriy etish hisoblanadi.
Fakultetimiz ta’lim yo‘nalishi va mutaxasisliklari bo‘yicha tayanch oliy ta’lim muassasasi bo‘lganligi uchun O‘zbekiston Respublikasi Oliy va o‘rta maxsus ta’lim vazirligining 2016 yil 11-fevraldagi “O‘zbekiston Respublikasi Bosh vazirining 2016 yil 5-fevraldagi 07/1-73-sonli topshirig‘i ijrosi to‘g‘risida”gi 66-sonli buyrug‘i bilan tasdiqlangan “Chora tadbirlar dasturi”dagi 14-bandining ijrosini ta’minlash maqsadida, fakultetimiz professor-o‘qituvchilari tomonidan xorijiy tajribalar asosida hamda iste’molchilarning talab va takliflarini e’tiborga olgan holda “Veterinariya diagnostikasi va laboratoriya ishlari”, “Veterinariya sanitariya ekspertizasi” sohasi Davlat ta’lim standarti ishlab chiqildi. Ushbu DTS asosida quyidagi 2 ta ta’lim yo‘nalishlari bo‘yicha yangi takomillashtirilgan Malaka talablari va namunaviy o‘quv rejalari ishlab chiqildi:
Ta’lim yo‘nalishlari:
60840300- Veterinariya diagnostikasi va laboratoriya ishlari
60840300- Veterinariya sanitariya ekspertizasi
Ishlab chiqilgan “Veterinariya” sohasining Davlat ta’lim standarti avvalo Vazirlar Mahkamasi huzuridagi DTM vakillari tomonidan ekspertizadan o‘tkazildi. So‘ngra 1-kurs talabalari institut rektorining 27.08.2021 yildagi, 2-bosqich talabalari O‘zR OO‘MTVning 2020 yil 14 avgustdagi № 418-sonli hamda 3- va 4- kurs 2018 yil 25 avgustdagi 744-sonli buyrug‘i bilan tasdiqlanib, ishlab chiqilgan MT va namunaviy o‘quv rejaliri 2 ta bakalaviriyat ta’lim yo‘nalishlari ishlab chiqilib o‘quv jarayonida foydalanilmoqda.
Intelektual salohiyatiga ega, ilm-fanning zamonaviy yutuqlari asosida mustaqil fikr va mulohaza yurita oladigan shaxslarni tarbiyalash hamda raqobatbardosh, yuqori malakali kadrlarni tayyorlashda o‘quv adabiyotlarining yangi avlodini yaratish talab qilinmoqda. Fakultet professor-o‘qituvchilari tomonidan yangi darsliklar, o‘quv qo‘llanmalar, o‘quv va uslubiy ko‘rsatmalar tayyorlash, ularni chop etish, ta’lim yo‘nalishlarini o‘tiladigan fanlar bo‘yicha adabiyotlar bilan ta’minlash borasida keng qamrovli ishlar olib borilmoqda. Fakultetda mavjud bo‘lgan ta’lim yo‘nalishi bo’yicha adabiyotlar bilan ta’minlanganlik darajasi o‘rganilib chiqildi va uning tahlili bo‘yicha o‘quv rejasidagi fanlar bo‘yicha ta’minlanish darajasi 80 foizdan 100 foizgachani tashkil qiladi.
.
✦
FAKULTET ILMIY – TАDQIQOT ISHLАRI-diagnos
Fakultet mutaxassislik kafedralari professor-o‘qituvchilari hamda ilmiy izlanuvchilar, Universitetda ilmiy kadrlar etishtirishning samarali tizimini yo‘lga qo‘yish, ilmiy izlanishlarni tijoratlashtirish va ishlab chiqarishga joriy etish, talabalar amaliyotini tashkil etish hamda to‘liq o‘z-o‘zini moliyalashtirish mexanizimini yaratish maqsadida samarali ilmiy tadqiqot ishlarini olib bormoqda.
Ilmiy tadqiqot ishlari “O‘zbekistonda veterinariya, biotexnologiya va chorvachilik sohasini rivojlantirish uchun ilmiy kadrlarni intensiv tayyorlash ilmiy biznes inkubatori” MEGA loyiha doirasida hamda Respublikamiz miqyosida turli korxona va tashkilotlar bilan hamkorlikda ilmiy ishlarni olib bormoqda.
Samarqand viloyatida joylashgan “Siyob Shavkat Orzu” klasterida, Nurobod tumani “Nurli yo‘l” MCHJ, Pastdarg‘om tumani “Darg‘om parranda” MCHJ, “Sam teri tayyorlov” MCHJ, Samarqand “Sifat go‘sht savdo” MCHJ, “Miosta” MCHJ, “Evroasia Feed Pro Samarqand” MCHJ, “VETBIOVITO” MCHJ, “Mironqul Agrozoovet servis ilmiy-amaliy markazi”, fermer xo‘jaliklaridan “Temur o‘g‘li”, “Oqdaryo moniy chorvador”, “Rohat”, “Kamol, Sayora, Nur servis” kabi xo‘jaliklar bilan, hamkor tashkilotlar sifatida Veterinariya ilmiy tadqiqot instituti, “O‘zbiokombionat” MCHJ, Samarqand viloyati “Asalarichilik” uyushmasi, Samarqand viloyat “Hayvonlar kasalliklari tashxisi va oziq-ovqat mahsulotlari xavfsizligi davlat markazlari” bilan shartnoma asosida ilmiy tadqiqod ishlari samarali tashkel etilgan, Davlatov R.B. tomonidan Qashqadaryo viloyati Shaxrizabz tumani “Oqsaroy” parrandachilik MCHJda “Parrandalarda uchraydigan kasalliklarini oldini olish va davolash tadbirlarini takomillashtirish” mavzusi bo‘yicha ilmiy amaliy shartnoma tuzildi.
Hozirgi kunda Fakultetimizda 2 nafar fan doktorlari (DSc), 16 nafar fan nomzodlari (PhD)lar faoliyat olib bormoqda, jami 17 nafar mustaqil izlanuvchilar (DSc), (PhD) ilmiy darajasini olish uchun ilmiy tadqiqot faoliyatini olib bormoqda.
Fakultetimiz 4 ta ilmiy to‘garak faoliyat yuritib kelmoqda. To‘garakda jami 348 nafar talabalar ilmiy tadqiqod ishlari bilan shug‘ullanib kelmoqda.
Fakultetda xalqaro aloqalar va xalqaro ilmiy hamkorlik yaxshi yo‘lga qo‘yilgan. Bugungi kunda Fakultetimiz Italiyaning Piza universiteti, Sank-Peterburg Davlat veterinariya akademiyasi va Vitebsk ordeni “Faxriy yorliqli” davlat veterinariya meditsinasi akademiyasi, Qozoq milliy agrar tadqiqotlar universiteti, Turkiya mehmet akif ersoy universitetlari, bilan ilmiy hamkorlik yo‘lga qo‘yildi.
Fakultet ixtisoslashuviga mos 12 ta korxonalar bilan hamkorlik shartnomalari asosida ilmiy tadqiqod ishlari olib borilmoqda.
.