Kafedra 1929 yilda “Epizootologiya, mikrobiologiya, virusologiya va vetsanekspertiza” kafedrasi nomi bilan tashkil topgan. 2018-yilda Samarqand veterinariya meditsinasi instituti tashkil topgandan soʻng “Epizootologiya, mikrobiologiya va virusologiya” kafedrasi sifatida 2022-yildan boshlab esa Mikrobiologiya, virusologiya va immunologiya kafedrasi sifatida va Samarqand davlat veterinariya meditsinasi, chorvachilik va biotexnologiyalar universitet tarkibida faoliyat ko’rsatmoqda.

     Mazkur kafedrada V.S. Zarubkinskiy, K.P. Chepurov, I.I. Arxangelskiy, Sh.T. Rasulov, A.M. Axmedov, N.G. Shatoxin, X.K. Burxanova, M.P. Parmanov, X.K. Bozorov, Z.J. Shapulatova va Z.E. Ruziyevlar kafedra mudirlari lavozimida faoliyat ko’rsatgan.

     Hozirgi kunda kafedra jamoasida 17 nafar professor-o’qituvchilar faoliyat ko’rsatmoqda. Shulardan 2 nafar professor, 1 nafar fan doktori, 2 nafar dotsent, 2 nafar (PhD) fan nomzodi, 10 nafar assistent faoliyat koʻrsatmoqda.

     Kafedrada yangi zamonaviy kompyuterlar bilan jixozlangan 1 ta kompyuter xonasi va zamonaviy “Veterinariya mikrobiologiyasi, virusologiyasi va immunologiyasi” laboratoriyasi mavjud. Kafedrada “Yosh infeksionest” ilmiy toʻgaragi faoliyat olib bormoqda.