VETERINARIYA SANITARIYA EKSPERTIZASI KAFEDRASI

VETERINARIYA SANITARIYA EKSPERTIZASI KAFEDRASI

     Kafedra 2019 yilda Samarqand veterinariya meditsinasi instituti tarkibida Veterinariya sanitariya ekpertizasi va gigienasi kafedrasi sifatida tashkil etilgan. 2022 yildan boshlab esa Veterinariya sanitariya ekpertizasi kafedrasi sifatida va Samarkand davlat veterinariya meditsinasi, chorvachilik va biotexnologiyalar universiteti tarkibida faoliyat yuritmoqda.
      Hozirgi kunda kafedrada 10 nafar professor-o‘qituvchilar faoliyat ko‘rsatmoqda. Shulardan 5 nafar dotsent,  5 nafar assistent. Kafedrada yangi zamonaviy kompyuterlar bilan jihozlangan  5 ta o‘quv xonasi va 1 ta o‘quv laboratoriyasi mavjud.
      Hozirda kafedra fakultetning Veterinariya sanitariya ekspertizasi ta’lim yo‘nalishiga ma’suldir. Kafedrada  2 ta mutaxassislik bo‘yicha ya’ni Veterinariya sanitariyasi, veterinar-sanitarlik ekspertizasi va chorvachilik maxsulotlarini qayta ishlash gigienasi  va Favqulotda vaziyatlarda veterinariya nazorati va jamoat salomatligini saqlash yo‘nalishlari bo‘yicha magistrantlar ilmiy faoliyatini olib bormoqda. Shuningdek doktorantura va mustaqil izlanuvchilikda tahsil olayotgan bir necha nafar kadrlar tayyorlanmoqda.
      Kafedrada O‘zbekiston Respublikasi oliy ta’lim  fan va innovatsiyalar vazirligi huzuridagi innovatsion rivojlanish agentligi tomonidan e’lon qilingan 91-turda  Asalari kasalliklariga qarshi mahalliy dorivor o‘simliklardan preparat yaratish mavzusida Innovatsion loyiha  doirasida izlanishlar olib bormoqda.
Kafedrada oxirgi uch yilda yosh assistentlardan bir necha nafari dunyoning nufuzli oliy ta’lim muassasalarida  qisqa muddatli ilmiy stajirovkada bo‘lib qaytdi.