IJTIMOIY-GUMANITAR FANLAR, JISMONIY MADANIYAT VA SPORT KAFEDRASI

IJTIMOIY-GUMANITAR FANLAR, JISMONIY MADANIYAT VA SPORT KAFEDRASI

 Ijtimoiy-gumanitar fanlar, jismoniy madaniyat va sport kafedrasi 2018-yilda tashkil etilgan.

     Kafedra bir nechta kafedralar negizida tashkil etilgan bo‘lib, ushbu kafedrada 1929 yildan boshlab institutning birinchi rektori, falsafa fanlari doktori, professor V.V.Makaveyev falsafa fani bo‘yicha talabalarga ma'ruza darslarini o‘qigan. V.V.Makaveyev institut rektori vazifasini bajarish bilan birga falsafa kafedrasini ham boshqargan. Keyinchalik kafedrada falsafa fani bo‘yicha ma'ruza darslarini professor, O‘zbekiston fanlar akademiyasining vitse-prezidenti I.M.Mo‘minov, A.D.Rodshild va A.X.Mozitovlar o‘qishgan.

Bu davrda kafedra “Sotsial-iqtisodiy fanlar” kafedrasi deb nomlangan. 1965 yilda “Falsafa” kafedrasi mustaqil kafedra sifatida tashkil topdi.

     “Falsafa” kafedrasini ko‘p yillar dotsent M.M.Axmedov boshqardi. Keyinchalik kafedraning nomi bir necha bor o‘zgarib “Falsafa va ilmiy kommunizm” “Ijtimoiy fanlar”, “Falsafa va siyosatshunoslik” nomlari bilan ataldi. 1987 yilda esa institutda faoliyat ko‘rsatayotgan uchta ijtimoiy siyosiy fanlar kafedralari birlashtirilib, yagona “Ijtimoiy fanlar” kafedrasiga aylantirildi. Kafedra sobiq “Siyosiy iqtisod va partiya tarixi” kafedrasi sifatida ham faoliyat ko‘rsatib, kafedraga dastlab tarix fanlari doktori, professor N.A.Aberqulov, tarix fanlari doktori, professor A.Abdusattorovlar boshchilik qildilar. Mazkur jamoada tarix fanlari nomzodlari dotsentlar H.I.Isayev, S.S.Sobirov, P.N.Shmatkov, A.R.Ro‘zimurodov, I.Jumanov, N.Ahmedov, S.Yahyoyevlar faoliyat ko‘rsatganlar.

1996 yilda “Ijtimoiy fanlar” kafedrasi bazasida ikkita “Iqtisodiyot nazariyasi va o‘zbekiston tarixi” hamda “Falsafa va siyosatshunoslik” kafedralari tashkil topdi.

2000 yilda “Pedagogika, psixologiya va o‘qitish metodikasi” kafedrasi tashkil etilib, unga pedagogika fanlari nomzodi N.Hamrayev, E.Nasimovlar mudirlik qilgan.

     Mazkur kafedralarda turli yillarda mamlakatimizning mashhur olimlari I.M.Mo’minov, A.M.Aminov, A.G.Svetlichniy, A.Usmonov, S.Axtamov, S.A.Sodiqov, N.Naimov, Sh.Sulaymonnov, A.D.Rodshild, O.E.Qodirqulov, M.Mallayev, A.G’.G’oipov, Q.Ya.Yarboboyev, X.X.Siddiqov, R.Mamadiyev, E.Xadjiyev, T.Saidqulovlar ishlab keldilar.

“Iqtisodiyot nazariyasi va o’zbekiston tarixi” kafedrasiga 1997 yilgacha iqtisod fanlari nomzodi, dotsent T.Haitov boshchilik qildi. Undan keyingi yillarda kafedra mudiri lavozimida S.Nazarov, X.Normurodov, O.Turg’unboyevlar ishlab keldilar.

“Falsafa va huquq” kafedrasiga 1997 yilgacha falsafa fanlari nomzodi, dotsent T.Sattorov boshchilik qildi. Undan keyingi yillarda kafedraga siyosiy fanlar doktori, professor J.Baxronov, falsafa fanlari nomzodi, dotsent A.G’aybullayev, yuridik fanlari nomzodi T.Jabborovlar mudirlik qilib kelganlar.

     Kafedra ilmiy, ilmiy-uslubiy yo’nalishlar bo’yicha O‘zbekiston Respublikasi Prezidenti huzuridagi Davlat boshqaruvi akademiyasi, O‘zbekiston milliy universiteti, Toshkent pedagogika universiteti, O‘zbekiston Fanlar akademiyasi Tarix instituti, Samarqand davlat universiteti, Toshkent davlat agrar universiteti, Samarqand davlat me’morchilik va qurilish universitetlari bilan mustahkam aloqada faoliyat olib borgan.

2004 yil oktyabrda “Falsafa va huquq” hamda “O’zbekiston tarixi va taraqqiyot nazariyasi” kafedralari birlashtirilib, “Gumanitar fanlar” kafedrasi tashkil etildi. Kafedra mudirligi lavozimiga falsafa fanlari nomzodi L.Jamolov saylanib 2020 yilga qadar kafedrani boshqardi.

     Ayni paytda kafedrani dotsent, pedagogika fanlari bo‘yicha falsafa doktori (PhD) Narziyeva Nargiza Norkuziyevna boshqarib kelmoqda.

     Kafedra jamoasi universitet ijtimoiy-siyosiy hayotida, talabalar va xodimlar o‘rtasida ma’naviy-ma’rifiy, siyosiy-tarbiyaviy ishlarni amalga oshirishda salmoqli hissa qo‘shib kelmoqda. Kafedra jamoasi o‘z faoliyatini o‘quv yiliga mo‘ljallangan reja asosida olib borib, kafedra majlislarida o‘quv, o‘quv-uslubiy, ilmiy-tadqiqot ishlar, ma’naviy-ma’rifiy va tarbiyaviy ishlar holati uzluksiz ravishda tahlil qilinib, bu sohadagi ishlarni takomillashtirishga qaratilgan tadbirlarda faol ishtirok etib kelmoqda.