PARAZITOLOGIYA KAFEDRASI

PARAZITOLOGIYA KAFEDRASI

    Parazitologiya kafedrasi Samarqand davlat veterinariya meditsinasi, chorvachilik va biotexnologiyalar universiteti rektorining 2025-yil 11-yanvardagi “Universitetning o‘gartirish va qo‘shimchalar kiritilgan tashkiliy tuzilmasining tasdiqlashlash to‘g‘risidagi” 9-sonli buyrug‘i bilan (sobiq “Parazitologiya va veterinariya ishini tashkil etish” kafedrasi negizida) tashkil qilingan.

   Kafedraga turli yillar davrlarda professor N.V.Badanin, akademik I.X.Ergashev, dotsent T.A.Abduraxmonov, professor R.B.Davlatov, professor A.S.Daminov, dotsent T.I.Taylakov, dotsent Sh.X.Qurbanovlar mudirlik qilgan va hozrgi kunda professor A.S.Daminov rahbarlik qilib kelmoqda.

   Kafedraga O‘zbekistonda xizmat ko‘rsatgan fan arbobi, O‘zbekiston Fanlar Akademiyasining akademigi, veterinariya fanlari doktori, professor I.X.Irgashev (1965-2004) uzoq yilllar davomida mudirlik qilgan. Olimning rahbarligida Respublikaning turli zonalarida gelmintlar faunasi o‘rganilgan, Chorva mollarining bir qator parazitar va gelmintoz kasalliklarining oldini olish chora-tadbirlari ishlab chiqilgan. U kishi tomonidan 10 ga yaqin fan doktorlari va 50 dan ortiq fan nomzodlari tayyorlanib, O‘zbekiston veterinariya parazitologlari va gelmintologlari maktabi yaratilgan. Shuningdek, ushbu kafedrada (2004-2022 yillar) faoliyat yuritgan professor B.S.Salimov tomonidan “Zooparazitologlar” ilmiy maktabi yaratilib, u kishining rahbarligada ham 3 nafar fan doktori, 20 ga yaqin fan nomzodlari tayyorlangan.

    Kafedrada oxirgi 5 yilda 10 ta darslik, 9 ta o‘quv qo‘llanma, 500 dan ortiq ilmiy maqolalar va 25 ta ilmiy tavsiyamomalar chop etilgan. Shuningdek, 2020-2025 yillarda 13 ta falsafa doktori (PhD) dissertasiyalari himoya qilingan. Respublikamizdagi 10 dan ortiq xo‘jaliklar va korxonalar bilan koorporativ aloqalar hamda Skryabin nomidagi Moskva davlat veterinariya tibbiyoti va biotexnologiya akademiyasi, Vitebsk davlat veterinariya meditsinasi akademiyasi, Kazan davlat veterinariya akademiyasi, Qozoqiston Milliy agrar universiteti, Veterinariya ilmiy-tadqiqot instituti, Toshkent davlat agrar universiteti, Samarqand davlat universiteti va Samarqand davlat tibbiyot universitetlari bilan ilmiy aloqalar yo‘lga qo‘yilgan.

    Hozirgi paytda kafedrada 3 nafar fan doktorlari (A.S.Daminov, T.I.Taylakov, A.A.Safarov), professorlar, 1 nafar fan nomzodlari, dotsentlar (Sh.X.Qurbanov), 2 nafar PhD assistentlar (K.X.Urakov, O.B.Abdunabiyev), 4 nafar ilmiy darajasiz assistentlar (A.R.Tursunqulov, G‘.G‘.Jabborov, I.X.Rayimqulov, A.M.Eshqorayev) va 1 nafar laboratoriya mudiri (V.Karshiyeva), 1 nafar laborant (G.Juraqulova) faoliyat ko‘rsatib kelishmoqda.

   Kafedra professor-o‘qituvchilarning ilmiy-pedagogik, ijodiy mahoratini uzluksiz oshirib borish, talabalarda chuqur nazariy bilim, amaliy va kasbiy ko‘nikmalarni shakllantirish, ilm-fanga bo‘lgan qiziqishni uyg‘otish, ularga milliy va umuminsoniy qadriyatlarni singdirish, har tomonlama yetuk mutaxassis tayyorlash, talabalar bilan ma’naviy-ma’rifiy ishlarni samarali olib borish, mafkuraviy immunitetini mustahkamlash, yuksak axloqiy sifatlarni tarbiyalash, talabalar bilan individual ishlash tizimini takomillashtirish maqsadida, talaba-yoshlar “Ustoz-shogird” sifatida biriktirilgan.

   Ma’naviy-ma’rifiy ishlarning asosiy maqsadi yoshlar hayotida sog‘lom turmush tarzini vujudga keltirishga qaratilgan bo‘lib, keyingi 5 yil ichida boshqa ma’naviy-ma’rifiy tadbirlar bilan bir qatorda Muhtaram Prezidentimiz Sh.M.Mirziyoyevning asarlari talaba yoshlar va professor-o‘qituvchilar orasida keng tarzda o‘rganilib kelinmoqda.

    Kafedrada 70840303-Hayvonlarning parazitar va yuqumli kasalliklari mutaxassisligi bo‘yicha magistratura va 03.00.06-Zoologiya (veterinariya fanlari) ixtisosligi bo‘yicha doktorantura mavjud bo‘lib, ilmiy-pedagogik kadrlar tayyorlash yo‘lga qo‘yilgan.