Tadqiqot sohalari

• Veterinariya
• Parazitologiya, Biologiya, Zoologiya, Gelmintologiya

 Shaxsiy ma’lumotlar

A.S.Daminov 1960 yilda tug‘ilgan, veterinariya fanlari doktori, professor. 1987-yilda Samarqand qishloq xo‘jaligi institutini tamomlagan. 1995-yilda 16.00.02 – Hayvonlar patologiyasi, onkologiyasi, morfologiyasi. Veterinariya akusherligi, hayvonlar reproduksiyasi biotexnikasi ixtisosligi bo‘yicha veterinariya fanlari nomzodi ilmiy darajasini olgan.

2016-yilda 03.00.06 – Zoologiya ixtisosligi bo‘yicha veterinariya fanlari doktori dissertatsiyasini yoqlagan.

Dastlab ish faoliyatini 1987-2000 yillarda Hayvonlar anatomiyasi kafedrasi assistenti, 2004-2025-yillarda kafedra dotsenti, professori, 2017-2018 yillar Parazitologiya va veterinariya ishini tashkil etish kafedra mudiri, 2018-2023 yillarda Samarqand davlat veterinariya meditsinasi, chorvachilik va biotexnologiyalar universiteti Ilmiy ishlar va innovatsiyalar bo‘yicha prorektori, 2023-yildan hozirgi vaqtga qadar Samarqand davlat veterinariya meditsinasi, chorvachilik va biotexnologiyalar universiteti “Parazitologiya” kafedrasi mudiri lavozimida faoliyat yuritib kelmoqda.

A.S.Daminov tomonidan 8 ta darslik, 11 ta o‘quv qo‘llanma, 5 ta ma’lumotnoma, 6 ta monografiya, 13 ta tavsiyanoma va 400 ga yaqin ilmiy ishlar chop qilingan. 8 nafar falsafa doktorlarini (PhD) tayyorlagan.

Mukofotlari

“Yilning eng yaxshi o‘quv adabiyoti” respublika tanlovi g‘olibi, “Yilning eng yaxshi veterinariya ustozi” nominatsiyasi bo‘yicha “Oltin tulpor” mukofoti hamda “O‘zbekiston respublikasi veterinariya fidoyisi” ko‘krak nishoni bilan mukofotlangan.

Hozirgi kunda respublikamizda olib borilayotgan islohatlar bilan birgalikda kafedrada o‘quv, o‘quv-uslubiy, ilmiy-uslubiy, ma’naviy-ma’rifiy sohalarda olib borilayatgan ishlarga professor-o‘qituvchilar, xodimlar, doktorantlar, magistrlar va talabalarni jalb qilish, ilmiy salohiyatni oshirish, xalqaro hamkorlik aloqalarini kuchaytirish, yoshlarni turli tanlovlarga jalb qilish, milliy va xalqaro loyihalarni qo‘lga kiritish kabi ishlarni amalga oshirishda ishtirok etib kelmoqda.

Lavozim vazifalari

• Barcha o‘quv shakllari (ishlab chiqarishdan ajralgan va ishlab chiqarishdan ajralmagan hollarda) bo‘yicha oliy ta’limning davlat ta’lim standartlariga muvofiq tuzilgan o‘quv rejalarda belgilangan laboratoriya, amaliy va boshqa turdagi mashg‘ulotlarni yuksak nazariy, ilmiy uslubiy va kasbiy darajada o‘tkazish;
• Talabalarning malakaviy amaliyotiga, kurs loyihalariga (ishlariga), shuningdek, mustaqil ishlariga rahbarlik qilish;
• Talabalar bilimining reyting nazoratini amalga oshirish;
• Talabalarning auditoriyadan tashqari ishlarini tashkil etish bo‘yicha tadbirlar o‘tkazish;
• Rivojlangan demokratik davlatlar darajasidagi yuksak ma’naviy va axloqiy talablarga javob beruvchi yuqori malakali kadrlarni tayyorlash;
• Darslik, o‘quv, uslubiy va ko‘rgazmali qo‘llanmalarni tayyorlash, shuningdek, oliy o‘quv yurti rektoratining topshirig‘iga binoan qayta nashr etiladigan darslik, o‘quv qo‘llanma va o‘quv uslubiy adabiyotlar, jumladan, xorijiy olimlar bilan hammualliflikda yaratilganlarga xulosalar tuzish;
• Nodavlat ta’lim muassasalarining buyurtmalari bo‘yicha zaruriy o‘quv uslubiy adabiyotlarni tayyorlashda ishtirok etish;
• Iqtidorli talabalar bilan ishlash, ularni olimpiada va tanlovlarda, jumladan, “Isteʼdod” jamgʻarmasi tanlovida ishtirok etishga tayyorlash, talabalarning mustaqil tayyorlanish shakl va uslublarini takomillashtirish; auditoriya ishlarini optimallashtirish hisobiga mustaqil tayyorlanish xajmini oshirish boʻyicha choralar koʻrish;
• Tasdiqlangan rejaga muvofiq ilmiy tadqiqot ishlarini olib borish, tugallangan ilmiy tadqiqot ishlarini muhokama etish va ularning natijalarini ishlab chiqarishga joriy etish, tugatilgan ilmiy ishlarni nashr etishga tavsiya berish;
• Ta’lim, fan va ishlab chiqarishning samarali integratsiyasini ta’minlash; talabalarning ilmiy tadqiqot ishlariga rahbarlik qilish;
• Tajribali o‘qituvchilarning ish tajribalarini o‘rganish, umumlashtirish va tarqatish, yangi pedagogik texnologiyani joriy etish;
• Pedagogik faoliyat bilan shugullanishni boshlagan oʻqituvchilarga pedagogik mahoratini egallashda yordam berish; axborot bazasini yaratish, oʻquv mashgʻulotlarini oʻtkazish jarayonida zamonaviy oʻquv texnika vositalaridan va yakka tartibda oʻqitish mustaqil taʼlim olish vositalaridan foydalanish.

            Bilishi kerak:

• Pedagogik faoliyatiga tegishli qonunlar, Vazirlar Mahkamasining Qarorlari, Vazirlikning Hay’at Qarorlari, buyruqlari, OTMning rektori buyruqlarining mohiyatini bilishi, kafedra yillik va istiqbolli rejalarini bilish.

            Malaka talablari:

• Pedagogik faoliyatida zarur bo‘lgan kasbiy va tashkilotchilik qobiliyatlariga, ta’lim sohasida ish tajribasi va stajiga, faoliyat turi va vakolatlari doirasida tegishli bilim va ko‘nikmalarga ega;
• Oliy ma’lumotga ega bo‘lishi;
• Namunaviy shaxsiy fazilatlarga-intellekt, madaniyatli, ijodiy qobiliyatlar, xushmuomalalik va tashabbuskorlik qobiliyatlariga ega bo‘lish, mas’uliyat hissi, mustaqil qaror qabul qilish va ish tutish, qat’iy harakat qilish, Universitet strategik maqsadlariga erishishni ta’minlash xususiyatlariga ega bo‘lishi zarur.

Mehnat faoliyati

1982-1987 yy - Samarqand qishloq xo‘jalik instituti talabasi.

1987-2000 yy - Samarqand qishloq xo‘jalik instituti anatomiya, gistologiya va patanatomiya kafedrasi assistenti

2000-2004 yy. - Samarkand qishloq xo‘jalik instituti zoologiya, tabiat va xayot faoliyati xavfsizligi kafedrasi assistenti, dotsent vazifasini bajaruvchi

2004-2005 yy. - Samarqand qishloq xo‘jalik instituti umumtexnika fanlari va hayot faoliyati xavfsizligi kafedrasi dotsenti vazifasini bajaruvchi

2004-2006 yy. - Samarqand qishloq xo‘jalik instituti hayvonlar kasalliklari va parazitologiya kafedrasi assistenti, katta o‘qituvchisi

2006-2015 yy. - Samarqand qishloq xo‘jalik instituti hayvonlar kasalliklari va parazitologiya kafedrasi dotsenti

2015-2017 yy. - Samarqand qishloq xo‘jalik instituti hayvonlarning yuqumli va invazion kasalliklari kafedrasi katta ilmiy xodim izlanuvchisi

2017-2018 yy. - Samarqand qishloq xo‘jaliq instituti hayvonlarning yuqumli va invazion kasalliklari kafedrasi mudiri

2018-2022 yy. - Samarqand veterinariya meditsinasi, instituti ilmiy ishlar va innovatsiyalar bo‘yicha prorektori

2022-2023 y. -    - Samarqand davlat veterinariya meditsinasi, chorvachilik va biotexnologiyalar universiteti ilmiy ishlar va innovatsiyalar bo‘yicha prorektori

2023y.06 fevraldan  Hozirga qadar Parazitologiya va veterinariya ishini tashkil etish kafedrasi mudiri