Ҳар йили 30 июнь  мамлакатимизда "Ёшлар куни" куни сифатида кенг нишонланади ва июнь ойи ҳар йили анъанавий "Ёшлар ойлиги" деб эълон қилинади ҳамда шу муносабат билан вилоятлар марказлари, барча туманлар ва шаҳарларда, маҳаллаларда "Янги Ўзбекистон ёшлари, бирлашайлик" шиори остида ёшлар фетивали ва форумлари ўтказилиши одат тусига кириб бормоқда.

Жумладан Самарқанд вилоятида Ёшлар ойлиги доирасида Олий таълим муассасалари миқёсида "Янги Ўзбекистон ёшлари, бирлашайлик" шиори остида ўтказиладиган дастлабки ёшлар фестивали Самарқанд давлат ветеринария, медицинаси, чорвачилик ва биотехнологиялар университетида старт олди. Фестиваль доирасида Олий таълим муассасаси талабалари, Академик лицей, техникум ҳамда ҳамкор маҳаллалар ёшлари фестиваль доирасида ташкил этилган 20дан ортиқ лойиҳаларда иштирок этишди. 

Ёшлар байрамини Университет ректори, профессор Худайназар Юнусов очиб берди ва тадбир иштирокчиларини қутлади. Ректор ўз сўзида айни кунда мамлакатимизда Ёшлар масалалаларига хукумат даражасида эътибор қаратилаётгани, Янги Ўзбекистонни бунёд этишда уларнинг билими ва иқтидори, салоҳияти муҳим ўрин тутишини таъкидлади.  

“Янги Ўзбекистон ёшлари, бирлашайлик” шиори остида ўтказилаётган Ёшлар Фестивалида вилоятда Ёшлар ойлиги тадбирларини юқори савияда ташкил этиш ва ўтказиш бўйича вилоят штаби раҳбари, вилоят ҳокими ўринбосари Хуршид Очилов иштирок этди. Ёшлар сиёсати бўйича вилоятдаги масъул шахслардан бири бўлган  вилоят ҳокими ўринбосари, Университет жамоаси – профессор –ўқитувчилар ва талаба ёшларни таълим муассасаси мақоми ошгани, институт Университетга айлангани, бу мақом барчага катта масъулият юклаши, қолаверса, таълим даргоҳида Ёшлар фестивали вилоятда биринчилардан бўлиб ташкил этилгани билан қутлади. Президентимиз, хукуматимиз томонидан Ёшлар учун яратилаётган шароитлар, имтиёзлар ҳақида ўз мулоҳазаларини баён этди. 

Ёшлар байрами муносабати билан бугун Университетда турли тадбирлар, танловлар ва спорт мусобақалари ўтказилади. Билимдон, иқтидорли, салоҳиятли ёшлар ва мураббийлар тақдирланадилар.

Қувноқ кечамизга марҳабо!

БИЗНИ КУЗАТИШДА ДАВОМ ЭТИНГ!

Ахборот хизмати