Lavozim vazifalari

·        Oʻzbekiston Respublikasi qonunlari, Prezident farmonlari va farmoyishlari, Qo‘mita, Oliy majlis va Vazirlar Mahkamasining taʻlim va kadrlar tayyorlash sohasidagi qarorlarini amalga oshirishni tashkil etish;

·          Yuksak maʻnaviy-axloqiy fazilatli, mustaqil fikrlashga qodir boʻlgan, bozor sharoitida ishni tashkil etishning usullarini egallagan yuqori maʻlumotli malakali kadrlar tayyorlashni taʻminlash;

·          Davlat taʻlim standartlari asosida yuqori malakali kadrlar tayyorlashni tashkil etish;

·    Samarqand davlat veterinariya meditsinasi, chorvachilik va biotexnologiyalar universitetida Oʻzbekiston Respublikasining “Taʻlim toʻgʻrisida”gi qonun va “Kadrlar tayyorlash milliy dasturi”da belgilangan vazifalar bajarilishini taʻminlash;

·   Samarqand davlat veterinariya meditsinasi, chorvachilik va biotexnologiyalar universiteti tarkibiy tuzilmasidagi barcha boʻlinmalar vakolatlarini belgilab berish, faoliyatlarini rejalashtirish, muvofiqlashtirish, boshqarish, oliy taʻlim muassasasining boshqaruv lavozimlariga munosib kadrlarni tayyorlash, xodimlarni tanlash, rahbarlik lavozimiga tavsiya etish va ishga qabul qilish;

·          Xodimlarni moddiy va maʻnaviy ragʻbatlantirish, ijtimoiy muhofazasini taʻminlash, intizomiy jazo choralarini qoʻllash;

·         Samarqand davlat veterinariya meditsinasi, chorvachilik va biotexnologiyalar universiteti daromadlari shakllantirilishi va ulardan samarali foydalanilishi ustidan nazorat qilish;

·        Ilmiy-tadqiqot ishlarini tashkil etish, ularning samaradorligini oshirish va tadqiqotlarning natijalarini amaliyotga keng joriy etish, oliy taʻlim, fan va ishlab chiqarishning oʻzaro integratsiyasini taʻminlash;

·         Uzluksiz taʻlim tizimi uchun yangi avlod oʻquv adabiyoti yaratish konsepsiyasi talablariga muvofiq darsliklar va oʻquv-metodik adabiyotlar yaratilishi, tarjima qilinishi va nashr etilishini tashkil etish;

·   Oʻquv-tarbiya jarayonida oʻqitishning ilgʻor shakllarini, shu jumladan, masofadan turib oʻqitish, yangi pedagogik va axborot-kommunikatsiya texnologiyalarini joriy etish va ulardan samarali foydalanishni tashkil etish;

·         Maʻnaviy-maʻrifiy, tarbiyaviy ishlarga rahbarlik etish, xodimlar va talabalarda milliy gʻoyani shakllantirish;

·         Talabalikka, magistratura va stajyor-tadqiqotchi-izlanuvchi- izlanuvchilar institutiga qabul qilish, oʻqishdan chetlatish, tiklash, ichki tartibga rioya etilishini taʻminlash;

·         Professor-oʻqituvchilarning kasbiy malaka oshirishlarini taʻminlash;

·        Talabalar, stajyor-tadqiqotchi-izlanuvchilar, ilmiy-pedagogik xodimlar uchun maishiy xizmat koʻrsatish va boshqa turdagi sharoitlarni tashkil etish, ularning ijtimoiy himoyasini taʻminlash;

·     Fakultetlar va kafedralar faoliyati, oʻquv jarayoni, maʻruzalar, amaliy va laboratoriya mashgʻulotlari, oʻquv va ishlab chiqarish amaliyotlari, boshqa turdagi mashgʻulotlar sifatining doimiy nazorat etilishini taʻminlash;

·      Taʻlim muassasasida mutaxassislar tayyorlanadigan yoʻnalish va ixtisosliklar sohasining rivojlanish istiqbollarini aniqlashga qaratilgan tadbirlarni tashkil etish (ilmiy-amaliy konferensiyalar oʻtkazish, xalqaro anjumanlarda ishtirok etish, axborot makonidan foydalanish sharoitlarini yaratish, fan-texnika, texnologiyalar rivojlanishiga taalluqli adabiyot, informatsion materiallarni keltirish), buning asosida davlat taʻlim standartlari, oʻquv dasturlari, oʻquv adabiyotlarini takomillashtirib borishni taʻminlash, ilmiy izlanishlarni yoʻnaltirib borish;

·       Marketing xizmatini rivojlantirib, taʻlim yoʻnalishi va ixtisosliklarga talab va ehtiyojni oʻrganishni, bitiruvchilarni amalda ish joylashishi tahlilini, mutaxassislarni maqsadli tayyorlash borasida hamkorlik shartnomalari tuzishni tashkil etish;

·        Samarqand davlat veterinariya meditsinasi, chorvachilik va biotexnologiyalar universitetining moddiy-texnik bazasini mustahkamlash va rivojlantirish tadbirlarini ishlab chiqish va amalga oshirish, oliy taʻlim muassasasi Ilmiy Kengashiga rahbarlik qilish, oliy taʻlim muassasasining tarkibiy tuzilishini takomillashtirish, tarkibiy boʻlinmalarini tashkil etish, tugatish, oʻzgartirish;

·       Xorijiy hamkorlar bilan ilmiy-ijodiy aloqalarni rivojlantirish, investitsiya va grantlar jalb etilishini taʻminlash, qoʻshma korxona (kafedra, ilmiy markaz, ilmiy tadqiqotlar, loyihalar va h.k.)lar tashkil etish faoliyatini amalga oshirish;

·          Jamoat tashkilotlari, vasiylar kengashi va boshqa shu kabi nodavlat tashkilotlar bilan hamkorlik faoliyatini olib borish;

·         Taʻlim jarayonini boshqarish boʻyicha vakolatli organlar tomonidan belgilangan boshqa vazifalar ijrosini taʻminlash.