Tadqiqot sohalari

·        Veterinariya

·        Veterinariya sanitariya ekspertizasi

Shaxsiy ma’lumotlar

Odiljon Achilov 2012-yilda Samarqand qishloq xo‘jaligi institutini tamomlagan. 2022-yilda 16.00.04 – “Veterinariya farmakologiyasi va toksikologiyasi. Veterinariya sanitariyasi, ekologiyasi, zoogigiyenasi va veterinary-sanitariya ekspertizasi” ixtisosligi bo‘yicha veterinariya fanlari bo‘yicha falsafa doktori (PhD) ilmiy darajasini olgan. Shuningdek, oxirgi 5 yilda Ispaniya, Italiya, Estoniya, Portugaliya, Ruminiya, AQSH va Turkiya kabi mamlakatlarning nufuzli universitetlarida bilim va tajribalarini oshirgan.

2021-yilda “O‘zbekiston Respublikasi mustaqilligining 30 yilligi” va 2023-yilda “O‘zbekiston Respublikasi qishloq xo‘jaligi fidoyisi” estalik ko‘krak nishonlari bilan taqdirlangan.

Lavozim vazifalari

·Oʻzbekiston Respublikasi qonunlari, Prezident farmonlari va farmoyishlari, Oliy Majlis va Vazirlar Mahkamasining taʼlim va kadrlar tayyorlash sohasidagi qarorlarini amalga oshirishni tashkil etish;

·O‘zbekiston Respublikasi Prezidentining 2017-yil 20-apreldagi PQ-2909-sonli “Oliy ta’lim tizimini yanada rivojlantirish chora-tadbirlari to‘g‘risida”gi Qarorida belgilangan vazifalarni amalga oshirish, professor-o‘qituvchilarni malakasini oshirish, xorijiy ilg‘or tajribani o‘rganish va o‘quv jarayoniga tadbiq etish borasida muayyan ishlarni amalga oshirish;

·Oliy taʼlim Davlat taʼlim standartlari asosida  universitet xalqaro aloqalar jarayonini tashkil etish hamda malakali kadrlar tayyorlashni taʼminlash;

·Oliy taʼlim Davlat taʼlim standartlariga muvofiq bilimlar mazmuni va tayyorgarlik darajasiga qoʻyiladigan talablar majmuasini barcha dekanlar va boʻlimlar, kafedra mudirlari va pedagog kadrlarning toʻliq bilishini taʼminlash;

·Oʻzbekiston Respublikasi Oliy ta’lim, fan va innovatsiyalar vazirligining normativ-huquqiy hujjatlarini va topshiriqlarini, Hayʼati qarorlarini, xalqaro aloqalar jarayonlariga oid masalalar boʻyicha universitetning kengashi qarorlari va rektor buyruqlarining bajarilishini tashkil qilish;

·Ilgʻor xorijiy mamlakatlar taʼlim tizimining rivojlanish tendensiyalarini oʻrganish hamda Oʻzbekiston Respublikasi “Taʼlim toʻgʻrisida”gi qonuni, Kadrlar tayyorlash milliy dasturi va boshqa taʼlimga oid normativ-huquqiy hujjatlarda belgilangan vazifalarni amalga oshirish borasida ilmiy-uslubiy tavsiyalarni ishlab chiqish va ularning amalga oshirilishini taʼminlash;

·Xalqaro hamkorlik boʻyicha prorektorning faoliyati yoʻnalishi boʻyicha takliflar tayyorlash va ishlarni tashkil etish;

·Xorijiy mamlakatlar ta’lim vazirliklari, xalqaro ta’lim tashkilotlari va diplomatik vakolatxonalar vakillari, chet el oliy ta’lim muassasalari delegatsiyalari bilan uchrashuvlarni tashkil qilish;

·Oliy taʼlim muassasalari bilan maʼnaviy-maʼrifiy yoʻnalishda doimiy hamkorlikni amalga oshirish, konferensiya, seminarlarda professor-oʻqituvchilarning faol ishtirokini taʼminlash, mahalliy hokimiyatlar bilan hamkorlikda ishlash;

·Universitet professor-o‘qituvchilari, xodimlari va talabalari uchun xalqaro loyihalar tahlili asosida seminar, davra suhbatlarini tashkil qilish;

·Xalqaro konferensiyalar, simpoziumlar va anjumanlarni tashkil etish, xalqaro ilmiy ishlarga rahbarlik qilish, ilgʻor uslubiy tajribalarni umumlashtirish va natijalarini tatbiq etish boʻyicha tavsiyalar ishlab chiqish;

·Ijro intizomini buzgan mahalliy va xorijiy xodimlar hamda taʼlim oluvchilarga nisbatan intizomiy chora koʻrish, xodimlar bilan shartnomani bekor qilish boʻyicha takliflar tayyorlash;

·Taʼlim mazmunini takomillashtirish, mutaxassis-kadrlarni xalqaro talablar asosida tayyorlashni taʼminlash maqsadida xorijiy mamlakatlarning turdosh oliy taʼlim muassasalari bilan hamkorlikda fakultet, kafedralar tashkil etish boʻyicha takliflar tayyorlash;

·Universitetda magistratura, oliy oʻquv yurtidan keyingi taʼlim orqali yuqori malakali ilmiy-pedagogik kadrlarni tayyorlanishni taʼminlash hamda universitet xorijiy xodimlarining oʻz vaqtida ilmiy unvonlarni olishiga va ixtisoslashgan kengashlarni ochilishiga koʻmaklashish;

·Xorijiy iqtidorli yoshlarni qidirish, saralash va ular bilan ishlash jarayonlarini boshqarish va ularga koʻmaklashish;

·Xalqaro boʻlim bilan hamkorlikda chet el grantlarining ilmiy tadqiqot qismi mavzusini, mazmunini shakllantirishda hamda tasdiqlashda qatnashish, barcha ilmiy-tadqiqot ishlari, loyihalari va grantlarni bajarish, ilmiy anjumanlarni oʻtkazish monitoringni olib borish, yuqori tashkilotlar uchun barcha zarur hisobotlarni shakllantirish, taqdim etish;

·Universitetda xorijiy aloqalar faoliyatini rivojlantirish uchun zarur moddiy-texnika bazasini yaratish, tegishli ilmiy asbob-uskunalar bilan taʼminlash va taqsimlash jarayonlarini boshqarish va muvofiqlashtirish;

·Oʻzining xizmat vazifalarini vijdonan bajarish.

Mehnat faoliyati

·     2008-2012 yy. – Samarqand qishloq xo‘jaligi instituti talabasi (bakalavr)

·     2012-2014 yy. - Samarqand qishloq xo‘jaligi instituti magistranti

·     2014-2018 yy. - Samarqand qishloq xo‘jaligi instituti, “Hayvonlarning yuqumli va invazion kasalliklari” kafedrasi assistenti

·     2018-2019 yy. – Samarqand veterinariya meditsinasi instituti, “Farmakologiya, toksikologiya va veterinariya sanitariya ekspertizasi va gigiyena” kafedrasi assistenti hamda jamoatchilik asosida veterinariya diagnostikasi va oziq-ovqat xavfsizligi fakulteti ilmiy ishlar bo‘yicha dekan o‘rinbosari

·     2020-2022 yy. – Samarqand veterinariya meditsinasi instituti tayanch doktoranti va jamoatchilik asosida veterinariya diagnostikasi va oziq-ovqat xavfsizligi fakulteti ilmiy ishlar bo‘yicha dekan o‘rinbosari

·     2022-2023 yy. – Samarqand davlat veterinariya meditsinasi, chorvachilik va biotexnologiyalar universiteti Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i

·     2023-2024 yy. – Samarqand davlat veterinariya meditsinasi, chorvachilik va biotexnologiyalar universiteti, Ilmiy ishlar va innovatsiyalar bo‘yicha prorektor  

·     2024 – yil sentyabr oyidan hozirgi vaqtgacha Samarqand davlat veterinariya meditsinasi, chorvachilik va biotexnologiyalar universiteti Xalqaro hamkorlik bo‘yicha prorektor