Agrotexnologiya fakulteti Agrotexnologiyalar, ishlab chiqarishni mexanizatsiyalashtirish va avtomatlashtirish kafedrasi professor-o‘qituvchilari S.Nurbayev, J.Saidov, F.Xalilova, X.Xamrakulovalar rahbarligida "O'rmonchilik va aholi yashash joylarini ko'kalamzorlashtirish" ta'lim yo'nalishi talabalari darslarda olgan nazariy bilimlari asnosida fakultet O'quv-amaliyoti oʻtash tajriba maydonida 4000 mingdan ortiq manzarali, turli xil gul ko‘chat urug'larini yetishtirib berishni oʻz burchi deb tayyorgarlik ishlarini boshlab yubordilar.

"Milliy qadriyatlarimiz va an’analarimizga sodiqlik timsoli sifatida universitetimiz hududini bog‘u-bo‘stonga aylantirishga yo‘naltirilgan loyiha doirasida gul ko'chatlarini ekish tadbirlarida faol ishtirok etish orqali oliygohimiz chiroyiga chiroy qo’shishda o‘z hissamizni qo‘shgan bo‘lamiz. Atrof-muhitni muhofaza qilish, ekologik madaniyat darajasini oshirish, yoshlar ongida tabiatga mexr hissini uyg'otish - bizning umumiy maqsadimiz" deydi ustozlar.

    Qadalgan urug'lar tez kunlarda unib chiqib, oliygohimiz hududini go‘zal qiyofaga aylanishida ajoyib vosita bo'ladi degan umiddamiz!