Шунингдек, тантана иштирокчиларини – қўмита тизимидаги таълим муассасалари, филиаллар, техникум ва академик лицей талаба – ёшларини Самарқанд давлат ветеринария медицинаси, чорвачилик ва биотехнологиялар Университети ректори, профессор Худайназар Юнусов бугунги муборак айъём билан қутлади – “Бу йил Университет ўзининг биринчи қалдирғочлари – 600 нафардан зиёд биринчи битирувчиларини мустақил ҳаёт томон йўллайди. Улар бу ерда устозларидан олган билимлари билан мамлакатимиз иқтисодиётига ўзларининг муносиб улушларини қўшишларига ишонаман! Кимлардир албатта таълимни магистратурада давом эттиради, кимларнинг яна бошқа режалари бор, - дейди таълим муассасаси ректори, профессор Худайназавр Юнусов. 

Ветеринария профилактикаси ва даъволаш факультети битирувчиси Шаҳобиддин Нуриддиновнинг сўзларига кўра, у айни пайтда тил бўйича ҳорижий сертифакат олиш тараддудида, сертификат олгач, таълимнинг магистратура босқичи учун Европада ўқишни давом эттиришни истайди. Умуман барча битирувчи - ёшларнинг орзулари осмон!  

Форум доирасида рамзий “ВЕТЕРИНАР ҚАСАМЁДИ” маросими бўлиб ўтди.  

Аълочи, фаол, ўқиш давомида ўзининг шахсий фазилатларини кўрсатган битирувчилар турли номинациялар бўйича тақдирландилар. Уларга ташаккурнома ва эсдалик совғалари тақдим этилди. Шунингдек, тантанада форум лойиҳаларида фаол иштирок этган, ғолибликни қўлга киритган барча иштирокчиларга ветеринария ва чорвачиликни ривожлантириш давлат қўмитаси, вилоят ҳокимлиги, Университет ва бошқа ташкилотчиларнинг Ташаккурнома ва эсдалик совғалари тақдим этилди. Тантанада иштирок этганларнинг ҳеч бири совға – саломсиз қолмади. Асосийки, қувноқ кайфият ва ёшларга хос шижоат ва бардамлик Форум иштирокчиларига ёр бўлди.

Пойтахтдан келган хушовоз хонандалар, ёшларнинг севимли қўшиқчилари ижросидаги куй –қўшиқлар эса даврага янада кўтаринки кайфият ва файз бағишланади.

Ахборот хизмати