Zooinjeneriya fakultetida faxriy ustozlar, fakultet professor-o'qituvchilari va fakultet talabalari ishtirokida universitetning faollar zalida “UCH AVLOD UCHRASHUVI” bo‘lib o‘tdi. Uchrashuvni Samarqand davlat veterinariya meditsinasi,chorvachilik va biotexnolagiyalar universiteti rektori, Biologiya fanlari doktori, professor X.B.Yunusov so'zga chiqib, tadbirni ochib berdi.

Undan so'ng fakultet dekani uchrashuvning faxriy mehmonlari Saliyev Voris Xolboyevich, Kubayeva Saida Abdug‘aniyevna, Jo‘rayev Jomurod Yangiboyevich va fakultet yoshi ulug' ustozlar v.f.d. professor Izbasarov Ungar Kaxarovich, q.x.f.d., professor Xolmirzayev Dustmuxammad ustozlarni tanishtirib o'tdi va faxriy mehmonlarga so'z berdi.

Faxriy ustozlar fakultet tarixi, o'zlari ishlagan vaqtlardagi sharoitlar haqida gapirib o'tar ekan, shu o'rinda hozirgi universitetda yaratilgan barcha imkoniyatlardan juda mamnunligi va talabalar bu imkoniyatlardan foydalanib, puxta bilim olishi kerakligini talaba-yoshlarga ta'kidlab o'tdi.

Tadbir davomida fakultet talabalari faxriy ustozlarga bugungi kungi uchrashuvga tashrifi va ular uchun berilgan maslahatlari uchun minnatdorligini aytib o'tdilar.

Tadbir so'ngida faxriy ustozlarga universitetimiz rektorining Faxriy yorliqlari, estalik sovg'alar va to'n kiydirilib, minnatdorchilik bildirildi.