Бугун СамДВМЧБУ Ёшлар билан ишлаш, маънавият ва маърифат бўлими қошида «Беш муҳим ташаббус» марказининг тантанали очилиш маросими бўлиб ўтди. «Беш муҳим ташаббус» марказида 20 дан ортиқ ижодий клуб ва тўгараклар фаолияти йўлга қўйилган. Марказ қошидаги тўгаракларда университет ҳамда маҳаллаларнинг  уч мингдан ортиқ ёшлари қамраб олинган.

Ўзбекистон Республикаси Президентининг 2022 йил 31 мартдаги  «Ветеринария ва чорвачилик соҳасида кадрлар тайёрлашни тубдан такомиллаштириш» тўғрисидаги қарорига асосан, Самарқанд давлат ветеринария медицинаси, чорвачилик ва биотехнологиялар университетини ҳамда тизимда фаолият юритаётган профессионал таълим муассасалари, илмий тадқиқот институтларини комплекс ривожлантириш Дастури» ижросини таъминлаш мақсадида амалга оширилган мазкур лойиҳадан катта мақсад кўзланган. Марказ қошида ташкил этилган тўгараклар ёшларни яхши мутахассис бўлиши учун, қолаверса, касб - ҳунарларга йўналтириш учун хизмат қилади. Маросимда сўз олган мутасаддилар марказнинг аҳамияти хусусида ўз фикрларини баён этдилар.

Марказда университет талабалари ҳамда маҳаллалар ёшлари маънавий-маърифий ва ахлоқий-тарбиявий фаолияти тизимли ташкил қилинади. Уларнинг бўш вақтлари мазмунли ташкил этилиб, бадиий ҳаваскорлик, маданият, санъат, жисмоний тарбия, оммавий спорт ва соғломлаштириш тадбирларига кенг жалб этилади. Шунингдек, талаба-ёшларда ахборот технологияларидан фойдаланиш кўникмаларини шакллантириш, ёшлар ўртасида китобхонликни тарғиб қилиш, хотин-қизлар бандлигини ошириш мақсадида ташкил этилган тўгараклар ҳам мавжуд.

Ахборот хизмати