Самарқанд давлат ветеринария медицинаси, чорвачилик ва биотехнологилар университетида  «11 ноябрь - Ўзбекистон Касаба уюшмалари куни» муносабати билан тадбир ташкил қилинди.Тадбирда Самарқанд давлат ветеринария медицинаси, чорвачилик ва биотехнологилар университети ректори Х.Юнусов, Ўзбекистон Агросаноат мажмуи ходимлари касаба уюшмаси Республика кенгаши раиси ўринбосари Хамроев Шодибек Турсунович, Ўзбекистон Агросаноат мажмуи ходимлари касаба уюшмаси Республика Кенгашининг Самарқанд вилояти бўйича масъул ташкилотчиси Хасанов Сайтмурод Қурбонович, АСМ ходимлари касаба уюшмалари Республика тафтиш комиссияси раиси Расул Суюнов ва университет касаба уюшма аъзоларидан 250 кишидан ортиқ аъзолар қатнашдилар.

Тадбирни университет касаба уюшма қўмитаси раиси А.Хасилбеков очиб бериб, табрик сўзни Ўзбекистон Агросаноат мажмуи ходимлари касаба уюшмаси Республика Кенгаши раиси ўринбосари Хамроев Шодибек Турсуновичга бердилар.

Ш.Хамроев университетнинг барча касаба уюшма аъзоларини ушбу байрам куни билан табриклади ҳамда университетда фаолият олиб бораётган бир гуруҳ профессор-ўқитувчи ва ходимлар Ўзбекистон Агросаноат мажмуи ходимлари касаба уюшмаси Республика кенгаши раиси ФАХРИЙ ЁРЛИҒИ ҳамда Ўзбекистон Республикаси Касаба уюшмаси Федерацияси раиси Қудратилла Рафиқов томонидан кенг омма учун ёзилган «МEНИНГ ПРEЗИДEНТИМ» номли янги китоби билан касаба уюшма фаолларини тақдирлади.

Шундан сўнг сўз Ўзбекистон Агросаноат мажмуи ходимлари касаба уюшмаси Республика Кенгашининг Самарқанд вилояти буйича масъул ташкилотчиси Хасанов Сайтмурод Қурбоновичга берилди.С.Хасанов барчани байрам мунособати билан табриклаб, республикамиз ва вилоятимиз миқиёсида касаба уюшмалари томонидан олиб борилаётган ишлар билан таништириб ўтди.

Табрик сўзи университетимиз ректори Х.Б.Юнусовга берилди.

Х.Юнусов барчани байрам билан табриклаб, университетимизда касаба уюшма фаолиятининг ижобий томонларини гапириб ўтди.

Йиғилиш якунида университет касаба уюшма қўмитаси раиси А.Хасилбеков барча касаба уюшма аъзолари ишларига ривожлар тилаб йиғилишни якунлади.

Ахборот хизмати