SAMDVMCHBU

UNIVERSITETDA "VOLONTYORLIK MARKAZI" OCHILISH MAROSIMI BO'LIB O'TDI

Bugun Samarqand davlat veterinariya meditsinasi, chorvachilik va biotexnologiyalar universitetida "Volontyorlik markazi" ochilish marosimi bo'lib o'tdi.

Ushbu marosimni universitet rektori, professor, O‘zbekistonda xizmat ko'rsatgan chorvador faxriy unvoni sohibi X.B.Yunusov ochib berib va "Volontyor", "Volontyorlik markazi" tushunchalari to'g'risida o'z fikrlarini aytib o'tdi. So'ng, "Volontyorlik markazlari" faoliyatini yo'lga qo'yish tartiblari to'g'risida Yoshlar ishlari agentligi Samarqand viloyati boshqarmasi boshligʻi oʻrinbosari S.Boboyev tomonidan ma'ruza qilindi.

So'ng Volontyor kim? Volontyorlik o'zi nima mavzusida Volontyorlar assotsiatsiyasi vakili Samarqand volontyorlar maktabi koordinatori B.Ergasheva tomonidan trening o'tkazildi. Ajoyib treningdan so'ng, universitet Yoshlar masalalari va ma'naviy-ma'rifiy ishlar bo'yicha birinchi prorektori A.Q.Gapparov universitetda "Volontyorlar markazi" faoliyatini yo'lga qo'yish va muvofiqlashtirishi uchun talaba-yoshlar o'rtasida markaz koordinatorini saylash jarayonini o'tkazdi. Ko'p sonli ovoz bilan Agrotexnologiya fakulteti 4-bosqich talabasi F.Mustofoqulova ushbu markaz koordinatori etib saylandi.

"Volontyorlar markazi" a'zolari "Ijtimoiy volontyorlik", "Ekologik volontyorlik", "Tarjimon volontyorlik" hamda "Ma'naviy-ma'rifiy, sport va ommaviy tadbirlar tashkil etuvchi volontyorlik" yo'nalishlariga bo'lingan holda Nizomga muvofiq o'z faoliyatini olib borishni boshlashdi.