HURMATLI VATAN HIMOYACHILARI!
Avvalo Sizlarni 14-yanvar - Vatan himoyachilari kuni
hamda O‘zbekiston Respublikasi Qurolli Kuchlari tashkil topganining 33 yilligi
bilan chin qalbimdan muborakbod etaman!
Keyingi
yillarda “Xalq va armiya – bir tanu bir jondir” degan ezgu g‘oya asosida
Qurolli Kuchlarimizning jangovar salohiyati oshib, harbiy qurilish sohasi
tubdan modernizatsiya qilindi. Buning natijasida milliy armiyamizda sifat
o‘zgarishlari yuz berib, armiyada xizmat qilish tom ma’noda shon-sharaf ishiga
aylanib bormoqda.
Bu
borada, ayniqsa, yoshlarni harbiy-vatanparvarlik ruhida tarbiyalashga
qaratilgan ishlarimiz muhim ahamiyatga ega bo‘lmoqda.
Bugungi kunda
harbiy xizmatchilarimizning professional mahorati va obro‘-e’tibori jahon
miqyosida ham yuksalib bormoqda. Buni mamlakatimiz Qurolli Kuchlari
vakillarining nufuzli xalqaro harbiy musobaqalarda faol ishtirok etib, faxrli
o‘rinlarni egallab kelayotgani misolida yaqqol ko‘rish mumkin.
Ana shunday sa’y-harakatlarimiz
hamda Milliy armiyamiz va xalqimizning faol hamkorligi tufayli Qurolli
Kuchlarimiz mamlakatimiz taraqqiyoti, tinchligi va barqarorligining ishonchli
kafolatiga, chinakam jasorat va matonat maktabiga aylanmoqda.
Shu o‘rinda
davlatimiz chegaralarini qo‘riqlashda xizmat itlari va otlardan foydalanishda
veterinar vrachlar xizmatini alohida ta’kidlashimiz, Vatanimiz sarhadlarida
bizning soha xodimlari xizmatlarini g‘urur bilan aytishimiz joiz.
Fursatdan
foydalanib soha fidoyilari, Vatanimiz himoyachilarini bayram bilan yana bir bor
muborakbod etaman.
Yurtimiz tinch,
Yurt posbonlari omon bo‘lsin!
E’tiborlaringiz
uchun rahmat!
Hurmat bilan,
Xudaynazar YUNUSOV,
SamDVMCHBU rektori, professor.