Samarqand davlat veterinariya meditsinasi, chorvachilik va biotexnologiyalar universitetida 8-oktyabr kuni Xotin-qizlar maslahat kengashi rejasi asosida “Odam savdosi — davr muammosi” mavzusida davra suhbati o‘tkazildi.

Tadbirda Samarqand viloyati Ichki ishlar boshqarmasi boshlig‘i o‘rinbosari O‘rinov Muxtor Rahmatovich ishtirok etdi.

Suhbat davomida odam savdosining oldini olish, uning salbiy oqibatlari, xorijga chiqish va ishga joylashishda turli aldovlardan ehtiyot bo‘lish, hujjatlarning qonuniyligini tekshirish masalalariga alohida e’tibor qaratildi.

Ishtirokchilarga huquqiy savodxonlikni oshirish, hushyor va ogoh bo‘lish yuzasidan zarur tavsiyalar berildi. Yakunda savol-javoblar o‘tkazilib, ishtirokchilar o‘zlarini qiziqtirgan savollarga javob oldilar.