2024 yil 16 may kuni Samarqand davlat veterinariya meditsinasi, chorvachilik va biotexnologiyalar universiteti Biotexnologiya fakultetida «Biologik resurslardan samarali foydalanish, saqlash va barqarorligini taʼminlashda zamonovaiy yondashuvlar» mavzusida oʻtkaziladigan respublika ilmiy-amaliy konferensiyaga taklif etamiz. Ilmiy-amaliy konferensiya Biologiya fanlari doktori, professor Iskandar Xamdamovning 90 yilligiga bagʻishlanadi.

Konferensiyada quyidagi yoʻnalishlar boʻyicha shoʻbalar tashkil qilinishi rejalashtirilgan:

·        Oʻzbekistonda zamonaviy biologik tadqiqotlarning ustuvor yoʻnalishlari.

·        Mintaqada oziq-ovqat xavfsizligini taʼminlashda qishloq xoʻjalik ekinlari yetishtirishning resurstejamkor texnologiyalarini ishlab chiqishda zamonaviy biotexnologiyaning yutuqlaridan foydalanish.

·        Hududlarda oʻsimlik, hayvonlar genofondini saqlash hamda atrof muhit barqarorligini taʼminlashning ijtimoiy-iqtisodiy aspektlari. Yashil iqtisodiyot.

·        Biologiya, ekologiya hamda qishloq xoʻjaligiga oid fanlarni oʻqitishning zamonaviy pedagogik innovatsion texnologiyalari.

Konferensiyada maʼruza qilingan mavzular matni maqola shaklida ilmiy toʻplamda chop etiladi. Maqolalar oʻzbek va rus tillarda qabul qilinadi.

Tashkiliy qoʻmita:

Yunusov X.B.- Samarqand davlat veterinariya meditsinasi, chorvachilik va biotexnologiyalar universiteti rektori, professor

Achilov O.E.- Ilmiy- ishlar va innovatsiyalar boʻyicha prorektor, dotsent

Elmurodov A.A.- Oʻquv ishlari boʻyicha prorektor, professor

Gapparov A.A.- Yoshlar  masalalari va maʼnaviy-maʼrifiy ishlar boʻyicha prorektor

Nurniyozov A.A.- Biotexnologiya fakulteti dekani, dotsent

Aliqulov A.S.- Iqtisodiyot fakulteti dekani, dotsent

Berdimuradov E.X.-Agrotexnologiya fakulteti dekani, dotsent

Shernazarov Sh.Sh.- Ilmiy tadqiqotlar,  innovatsiyalar va ilmiy-pedagogik kadrlar tayyorlash boʻlimi

Farmonov N.O.- Veterinariya farmatsevtikasi kafedrasi mudiri, dotsent

Xodjayeva N.J.-Biotexnologiya kafedrasi mudiri, dotsent

Begmatova M.X.-Biologiya, ekologiya va dorivor oʻsimliklar kafedrasi mudiri, dotsent

Xamdamova E.I.-Toshkent davlat iqtisodiyot universiteti Samarqand filiali “Tabiiy, ijtimoiy fanlar va jismoniy madaniyat” kafedrasi dotsenti

Tashpulatov Y.Sh. – Samarqand agroinnovatsiyalar va tadqiqotlar instituti Fundamental va gumanitar fanlar kafedrasi dotsenti

Jalov X.X. – Samarqand davlat universiteti Botanika kafedrasi mudiri

Konferensiyaning kun tartibi:

1. Yalpi majlis maʼruzaga (15 min),

2. Shoʻbadagi maʼruzaga (10 min),

Konferensiya oʻzbek va rus tillarida olib boriladi.

MAQOLALARGA QOʻYILADIGAN TALABLAR

Maqola matnlari tahrir qilingan va tegishli shoʻbalarning nomi koʻrsatilgan holda A4 kattalikdagi qogʻozga, qatorlar orasi 1 interval holda, yuqoridan va pastdan 2,5 sm, chapdan3 sm, oʻngdan 1,5 sm joy qoldirib, 2 nusxada rasmiylashtiriladi.

Maqolaning nomi bosh harflar bilan yoziladi va bita boʻsh qator qoldirilib, navbatdagi qatordan muallifning ismi, familiyasi bosh harflarda va ish joyi yoziladi. Bitta boʻsh qator qoldirilib, navbatdagi qatordan maqola matni adabiyotlar roʻyxati yoziladi (maqolaning oxirida muallif bilan bogʻlanish uchun zarur maʼlumotlarni keltirish zarur).

Maqola matni sahifalanmagan boʻlib, uning elektron nusxasi Word muharririda Times New Roman shriftida 14 oʻlchamda 5 betgacha boʻlishi lozim.

Maqolaning elektron nusxasi telegram yoki elektron pochta orqali koʻrsatilgan manzilga joʻnatilishi talab etiladi. Fayl nomi lotin harflarida muallif familiyasi bilan yozilishi kerak, masalan: Abdullayev E N.doc

Konferensiya mavzusiga va nashr etish talablariga javob bermaydigan maqolalar chop etilmaydi va mualliflarga qaytarilmaydi.

Maqola matnida keltirilgan maʼlumotlarning haqqoniyligiga mualliflar javobgardir.

Maqolalarni qabul qilish bepul.

Konferensiyaga maʼruzalar taqdim etish muddati 2024 yil 1  maygacha, koʻrsatilgan muddatdan kechikib taqdim qilingan maʼruzalar dasturga kiritilmaydi.

Manzil: Samarqand sh., Mirzo Ulugbek koʻchasi 77-uy, Ilmiy tadqiqotlar,  innovatsiyalar va ilmiy-pedagogik kadrlar tayyorlash boʻlimi. Tel: (+99899) 595-56-42 shernazarov.1987@mail.ru

Biologiya, ekologiya va dorivor oʻsimliklar kafedrasi. Tel: (+99893) 347-67-17 -telegram raqami: e-mail: gʻofurjondilmurodov@gmail.com