Veterinariya va chorvachilikni rivojlantirish qoʻmitasi hamda Oʻzbekiston Respublikasi Ichki ishlar vazirligi Jamoat xavfsizligi departamenti oʻrtasidagi kelishuvga asosan universitet huzuridagi Kadrlarni qayta tayyorlash va ularning malakasini oshirish markazida Jamoat tartibini saqlash xizmati karantin tadbirlarini taʼminlash boʻlinmalari xodimlarining malaka oshirish kurslari yakuni munosabati bilan tadbir tashkil etildi.

Unda universitet rektori, professor X.Yunusov, Malaka oshirish markazi direktori, v.f.d. T. Taylakov va malaka oshirgan xodimlar ishtirok etib,  dars mashgʻulotlarining qanday tartibda olib borilganligi, yaratilgan imkoniyatlar toʻgʻrisida fikrlashishdi.

Yakunda universitet rektori, professor X.Yunusov universitet faoliyati, jumladan Mega-loyiha doirasida olib borilayotgan ishlarga toʻxtaldi. Malaka oshirgan xodimlarga sertifikatlar topshirib, kelgusi ishlariga omadlar tiladi.