Joriy yilning 18-28 oktyabr kunlari O‘zbekiston Respublikasi Veterinariya va chorvachilikni rivojlantirish qo‘mitasi vakillari va universitetning 4 nafar professor-o‘qituvchilari Samarkand davlat veterinariya medisinasi, chorvachilik va biotexnologiyalar universiteti hamda Amerika Qo‘shma Shtatlarining Minnesota universiteti bilan hamkorlikda amalga oshirilayotgan veterinariya ta’limining «Twinning program» xalqaro dasturi doirasida Minnesota universitetining Hayvonlar salomatligi va oziq-ovqat xavfsizligi markazida tashkil qilingan trening kurslarda ishtirok etish uchun Amerika Qo‘shma Shtatlarining Minnesota universitetiga tashrif buyurdilar.

Tashrifdan ko‘zlangan asosiy maqsad loyiha doirasida amalga oshirilayotgan ishlar natijalarini muhokama qilish, professor-o‘qituvchilarining veterinariya ta’limida zamonaviy pedagogik usul va vositalarini qo‘llash bo‘yicha trening kurslarini o‘tkazish va kelgusida ikki universitet o‘rtasida o‘zaro hamkorlik aloqalarini yaxshilash, yangi loyihalarni rejalashtirish va istiqbolli hamkorlik strategiyalarini ishlab chiqish bo‘yicha Minnesota universiteti ma’muriyati hamda Hayvonlar salomatligi va oziq-ovqat xavfsizligi markazi rahbariyati bilan uchrashuvlar olib borishdan iborat.

Axborot xizmati.