SAMDVMCHBU

QISHLOQ XO‘JALIGI VA VETERINARIYA SOHASI ISTIQBOLLARI HORIJLIKLAR E’TIBORIDA.

Germaniyaning Markaziy Osiyo mamlakatlari qishloq xo‘jalik va veterinariya sohasini o‘rganish bo‘yicha tashkil etilgan ilmiy – tadqiqot markazi mutasaddilaridan iborat delegasiya universitetga tashrif buyurdi.

Mazkur nodavlat tadqiqot muassasasi markaziy ofisi Qirg‘iziston Respublikasining Bishkek shahrida joylashgan.

Delegasiya rahbari doktor Georg Shtefen Fletcherning ma’lumotiga ko‘ra, mintaqa suv tanqisligi sharoitida ozuqabop yem - hashak va ekinlar yetishtirish bo‘yicha katta salohiyatga ega. Tashkilot Markaziy Osiyo mamlakatlari qishloq xo‘jaligi va veterinariya sohasi istiqbollari uchun xamkorlik qilishni rejalashtirgan.

Mazkur dastur ushbu sohalar bo‘yicha ko‘p yillik hamkorlikni kafolatlaydi va dastur bo‘yicha turli loyihalarni amaliyotga joriy etadi.

Loyiha dasturiga ko‘ra, horijiy ekspertlar Akademik M.Mirzayev nomidagi bog‘dorchilik, uzumchilik va vinochilik ilmiy tadqiqot institutining Samarqand tajriba stansiyasidagi Uzum plantasiyalari va uzum yetishtirishning turli texnologiyalari bilan tanishishni maqsad qilgan.

Sabzavot, poliz ekinlari va kartoshkachilik ilmiy-tadqiqot institutining Samarqand tajriba stansiyasi, shuningdek, sabzavot yetishtiriladigan fermer xo‘jaliklari, urug’chilik sabzavotchilik xo‘jaliklari va Sabzavotlarni saqlash joylari bilan tanishadilar.

Zarafshon daryosining daryo landshaftlari, Amudaryo deltasidagi to‘qay o‘rmon zonasi va xo‘jaliklararo sug’orish tizimlari ham ushbu dastur doirasida o‘rganib chiqiladi.

Axborot xizmati