Akademik N.P.Laverov nomidagi Rossiya Fanlar Akademiyasi Ural bo‘limi qoshidagi Arktikani tatbiq (o‘rganish) etish federal ilmiy tadqiqot markazi mas’ullaridan iborat delegatsiya universitet rektori, professor Yunusov qabulida bo‘ldi. Rossiya Federatsiyasining Arktika hududida biologik va genetik xilma-xillik, ekologik va ijtimoiy muammolarni tatbiq etuvchi mazkur markaz Arhangelsk shahrida joylashgan bo‘lib, u 2001 yildan buyon faoliyat ko‘rsatib kelmoqda.

Ma’lumotlarga ko‘ra, markaz - Rossiya Fanlar Akademiyasi filiali, Ural bo‘limi Tabiiy moslashuv fiziologiyasi fan instituti Federal davlat byudjeti instituti, "Arxangelsk qishloq xo‘jaligi ilmiy tadqiqot instituti" Federal davlat byudjeti ilmiy muassasasi va Federal davlat byudjeti "Naryan-Mar qishloq xo‘jaligi tajriba stansiyasi" ilmiy muassasasi va Rossiya Fanlar akademiyasining Arktikani kompleks o‘rganish bo‘yicha Federal tadqiqot markazi Federal Davlat byudjeti ilmiy muassasasi sifatida o‘zgartirilgan.Markazning asosiy maqsadi davlat manfaatlarini ta’minlash, ijtimoiy-iqtisodiy rivojlanishning mutanosibligi va aholi turmush sifatini yaxshilash, tabiiy muhitni asrab-avaylash, atrof-muhitni muhofaza qilish, ijtimoiy-iqtisodiy rivojlanishning barqarorligini ta’minlashning raqobatbardosh ilmiy-texnikaviy asoslarini yaratishga qaratilgan kompleks fundamental, qidiruv va amaliy ilmiy tadqiqotlarni amalga oshirishdan iborat.

Mazkur delegatsiya a’zolari SamDVMCHBU bilan amaliy xamkorlik loyihalari va dasturlarini muxokama qilish, amaliyotga joriy etish hamda ilg‘or tajribalarni ommalashtirish maqsadida yurtimizda mehmon ekanini ta’kidlashdi.

SamDVMCHBU rektori, professor Yunusov bu taklif uchun minnatdorlik bildirib,   hamkorlikka tayyor ekani, oliy ta’lim muassasasining Rossiyadagi hamkorlari yana bittaga ko‘payganini e’tirof etdi va universitetning bugungi salohiyati haqida ma’lumot berildi.

Tashrif davomida mehmonlar profesor – o‘qituvchilar va talaba – yoshlar bilan ham muloqot qildilar. Ta’lim maskani salohiyati, mavjud o‘quv va ilmiy laboratoriyalar, professor o‘qituvchilar, olib borilayotgan ilmiy izlanishlar haqida ma’lumot olindi.

Muassasalar o‘rtasida Xalqaro protokol - memorandum imzolandi. Hujjat markaz direktori I.N.Bolotov hamda Universitet rektori X.B.Yunusov tomonidan imzolandi. Endilikda markaz bilan ta’lim, o‘quv amaliyoti, talabalar va professor o‘qituvchilar stajirovkasi borasida va boshqa yo‘nalishlarda ilmiy va amaliy hamkorlik aloqalari yo‘lga qo‘yiladi.

Axborot xizmati