O‘zbekiston Respublikasi Prezidentining 2022 yil 31 martdagi “ Veterinariya va chorvachilik sohalarida kadrlar tayyorlash tizimini tubdan takomillashtirish to‘g‘risida”gi PQ-187 son qarorning 4-bandiga asosan Samarqand davlat veterinariya medisinasi, chorvachilik va biotexnologiya universiteti - veterinariya medisinasi, veterinariya va sanitariya ekspertizasi, veterinariya diagnostikasi va laboratoriya ishlari, veterinariya farmasevtikasi, zooinjeneriya, veterinariya biotexnologiyasi, chorvachilik mahsulotlarini qayta ishlash texnologiyasi yo‘nalishlarida kadrlar tayyorlovchi tayanch davlat oliy ta’lim muassasasi hisoblanishi belgilab qo‘yilgan.O‘zbekiston Respublikasi oliy ta’lim, fan va iinnovasiyalar vazirligining 2023 yil 9 iyundagi “Oliy ta’limning me’yoriy-uslubiy hujjatlarini ishlab chiqish jarayonini takomillashtirish to‘g‘risida”gi 259 - son buyrug‘ining ijrosi yuzasidan Samarqand davlat veterinariya medisinasi, chorvachilik va biotexnologiyalar universitetida Veterinariya ta’lim sohasining Muvofiqlashtiruvchi Kengashi tashkil etilib, ilk majlis yig‘ilishi o‘tkazildi.

Veterinariya ta’lim sohasining Muvofiqlashtiruvchi soha Kengashi Universitet rektori professor X.B.Yunusov rahbarligida o‘tkazilib, mazkur tadbirda Respublikamizda faoliyat yuritayotgan va veterinariya, chorvachilik sohalarida kadrlar tayyorlayotgan 11 ta turdosh oliy ta’lim muassasalaridan tegishli kafedralarning mudirlari, o‘quv-uslubiy boshqarma boshliqlari, prorektor (direktor o‘rinbosalari) ishtirok etishdi.

Kengashda Oliy ta’lim, fan va innovasiyalar vazirligi huzuridagi Oliy ta’limni rivojlantirish tadqiqotlari va ilg‘or texnologiyalarni tatbiq etish markazi bo‘lim boshlig‘i L.R.Zaripov, veterinariya va chorvachilikni rivojlantirish qo‘mitasi fan va ta’lim sohasini rivojlantirish bo‘lishi boshlig‘i A.A.Safarov, turdosh OTMlaridan 21 nafar vakillari ishtirok etishdi va Kengash a’zolarining takliflariga ko‘ra Muvofiqlashtiruvchi soha kengashi tarkibiga tizimdagi ilmiy-tadqiqot institutlari, yetakchi korxona va tashkilotlar rahbarlari ham kiritildi.

O‘tkazilgan Muvofiqlashtiruvchi soha yig‘ilishida Kengash Nizomi, tarkibi hamda reglamenti tasdiqlandi. Shu bilan birgalikda tadbir davomida veterinariya va chorvachilik sohalari uchun o‘quv rejalar, malaka talablari muhokamasi o‘tkazilib, Kengash a’zolarining takliflari asosida takomillashtirilgan o‘quv rejalar va malaka talablar shakllantirildi.

Axborot xizmati