Samarqand davlat veterinariya medisinasi, chorvachilik va biotexnologiyalar universitetida “OMMAVIY TADBIRLARDA OZIQ-OVQAT MAHSULOTLARI XAVFSIZLIGINI TA’MINLASH” mavzusida soha mutaxassislari va oziq-ovqat mahsulotlari ishlab chiqaruvchi korxonalar hodimlari uchun seminar – trening ish boshladi. Respublika Veterinariya va chorvachilikni rivojlantirish qo‘mitasi va Yevropa Ittifoqi hamkorligida tashkil etilgan mazkur seminar “EU CBRN CoE Project 87” halqaro loyihasi doirasida bo‘lib o‘tmoqda.

Universitet rektori, professor Yunusov mehmonlarni qutlar ekan, oziq - ovqat havfsizligi bo‘yicha mamlakatimizdagi tayanch oliy ta’lim muassasasi bo‘lgan universitetda ayni kunda shu soha mutaxassislari tayyorlanayotganligi ( veterinariya – sanitariya ekspertizasi yo‘nalishida) va mazkur loyihadan ko‘zlangan maqsadning dolzarbligi xususida o‘z fikr – mulohazalarini bayon etdi. Jumladan, bu masala, ya’ni oziq –ovqat havfsizligi ayni kunda global vazifalardan ekani va ommaviy tadbirlar, katta bayram va yig‘inlarda bu vazifa yana ham muhimroq ahamiyat kasb etishi haqida alohida ta’kidladi.

Seminar maqsadi - O‘zbekistonda oziq - ovkat havfsizligi sohasida faoliyat yuritayotgan mutaxassislarning ommaviy tadbirlarda oziq – ovqat havfsizligini ta’minlash bo‘yicha bilim va ko‘nikmalarini mustaxkamlash, oziq-ovqat mahsulotlari sifatini nazorat qilishning zamonaviy usullari bo‘yicha treninglar o‘tkazish, oziq-ovqat mahsulotlari ishlab chiqaruvchi korxonalarda havfsizlik qoidalariga amal qilishning samarali usullari to‘g‘risida taqdimotlarni ommalashtirishdan iborat.

Treningda Yevropa Ittifosining "EU CBRN SoYe Project 87'' loyihasi oziq –ovqat havfsizligi bo‘yicha eksperti Jackie Gibney, Germaniyaning GIZ xalkaro tashkiloti eksperti Ian Leach, Sogliqni saqlash vazirligi Tibbiy xodimlar kasbiy malakasini rivojlantirish markazi gigiyena kafedrasi professori T.f.d. Anatoliy Xudoyberganov, Sanitariya-epidemiologik osoyishtalik va jamoat salomatligi qo‘mitasining viloyat boshqarmasi mutaxassislari va universitetning shu yo‘nalishdagi kafedrasi professor – o‘qituvchilari ishtirok etishdi.

Seminar treningda Veterinariya va chorvachilikni rivojlantirish davlat qo‘mitasi Ta’lim sohasini rivojlantirish bo‘limi boshlig‘i Alisher Safarov moderatorlik qildi.

Kunning ikkinchi yarmida trening ishtirokchilari Universitetda tashkil etilgan Navro‘z tadbirlarida qatnashib, o‘zbek milliy taomi bo‘lmish “Sumalak” tayyorlash jarayonida mahsulotlar xavfsizligini ta’minlash borasida qilingan ishlar bilan tanishdi.

Seminar ertaga ham o‘z ishini davom ettiradi.

Axborot xizmati