Samarqand davlat veterinariya meditsinasi, chorvachilik va biotexnologiyalar universitetida Samarqand tumani hokimi S.Usmanovning professor-o‘qituvchilar hamda talabalar bilan ochiq muloqoti bo‘lib o‘tdi.

Muloqotda tumanda veterinariya xizmatlarini rivojlantirish, chorvachilik sohasida samaradorlikni oshirish, hayvonlar salomatligini muhofaza qilish hamda zamonaviy veterinariya xizmatlarini amaliyotga keng joriy etish masalalari muhokama qilindi.

Shuningdek, soha uchun malakali mutaxassislar tayyorlash, talabalarning nazariy bilimlarini amaliyot bilan uyg‘unlashtirish, yoshlarni veterinariya yo‘nalishidagi zamonaviy bilim va ko‘nikmalarga ega qilish masalalariga alohida e’tibor qaratildi.

Ochiq muloqot davomida professor-o‘qituvchilar va talabalar tomonidan veterinariya sohasini rivojlantirish, amaliyotdagi mavjud muammolarni bartaraf etish hamda hamkorlikni yanada kuchaytirish bo‘yicha takliflar bildirildi.