2022-йил 05-ноябрь куни Самарқанд давлат ветеринария медитсинаси, чорвачилик ва биотехнологиялар университетида навбатдаги Маънавият ва маърифат кенгашининг кенгайтирилган йиғилиши бўлиб ўтди. Йигилишда Самарқанд давлат ветеринария медитсинаси, чорвачилик ва биотехнологиялар университети филиаллари, техникум ва академик лицей раҳбар ходимлари иштирок этди.

Кенгаш кун тартибидаги масалалар бўйича университет Маънавият ва маърифат кенгаши раиси Х.Юнусов таништириб ўтди.

Шундан сўнг кун тартибидаги масалалар бўйича университет Ёшлар масалалари ва маънавий-маърифий ишлар бўйича биринчи проректор А.Гаппаров университетда Ўзбекистон Республикаси Президентининг 2022-йил 31-мартдаги ПҚ №187-сон «Ветеринария ва чорвачилик соҳасида кадрлар тайёрлашни тубдан такомиллаштириш» тўғрисидаги қарори 3-иловаси “2022-2026-йилларда Самарқанд давлат ветеринария медисинаси, чорвачилик ва биотехнологиялар университетини ҳамда тизимда фаолият юритаётган профессионал таълим муассасалари, илмий тадқиқот институтларини комплекс ривожлантириш Дастури 5-банди ижроси бўйича университет ректорининг 2022-йил 03-ноябрьдаги 217-сон ҳамда университет Кенгашининг 2022-йил 28-октябрьдаги Қарори билан Самарқанд давлат ветеринария медисинаси, чорвачилик ва биотехнологиялар университетининг Ёшлар билан ишлаш, маънавият ва маърифат бўлими қошида Беш муҳим ташаббус маркази ташкил этилганлигини ҳамда марказ қошида 18 та ижодий тўгарак фаолияти доимий йўлга қўйилганлигини, жамоатчилик асосида профессор-ўқитувчилар ва ҳодимлар тўгаракларга масъул этиб бириктирилганлиги бўйича ахборот бериб ўтди.

Кун тартибидаги масалалар бўйича Самарқанд давлат ветеринария медитсинаси, чорвачилик ва биотехнологиялар университетининг Нукус ва Тошкент филиаллари директорининг биринчи ўринбосарлари ҳам филиалларда Ёшлар билан ишлаш, маънавият ва маърифат бўлими қошида Беш муҳим ташаббус маркази ташкил этилаётганлиги тўғрисида ахборот тингланди. Йиғилиш кун тартибидаги иккинчи масала Талабалар турар жойи, ижара ва ўз уйидан қатнаб ўқийдиган талабалар билан ишлаш доирасида амалга оширилган ишлар ва режалаштирилган тадбирлар ҳамда Ўзбекистон Республикаси Вазирлар Маҳкамасининг 2021-йил 24-сентябрьдаги Ижара ҳуқуқи асосида яшаётган талабалар томонидан тўланадиган ижара тўловларини қоплаб бериш тизимини жорий этиш чора-тадбирлари тўғрисидаги 605-сонли Қарори ижросини таминлаш бўйича Университет Талабаларни турар жой билан таминлаш ишларини мувофиқлаштирувчи бўлими бошлиғи М.Махмудов, университет филиаллари, техникум ва академик лицей масъуллари бугунги кунда ижара ва талабалар турар жойида яшаётган талабаларга берилаётган имтиёзлар ва бу имтиёзлардан қанча талабалар фойдаланаётганлиги тўғрисида ахборотлари тингланди.

Кун тартибидаги учинчи масала бўйича Университет Ёшлар билан ишлаш, маънавият ва маърифат бўлими бошлиғи Ш.Қурбонов Ўзбекистон Республикаси Президентининг 2022-йил 19-январьдаги Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисидаги ПҚ-92-сон қарори ижросини таминлаш мақсадида университетда мавжуд 27 та кафедра профессор-ўқитувчилари Самарқанд шаҳридаги 10 та маҳалла ҳамда вилоятнинг Нарпай ва Пахтачи туманларида жойлашган 116 та маҳаллаларда Бир зиёли-бир маҳаллага маънавий ҳомий тамойили асосида маънавий-маърифий, тарғибот ишларини маҳаллабай тарзда ташкил этилганлик ҳолати бўйича ахборот бериб ўтди.

Шундан сўнг Университет Маънавият ва маърифат Кенгаши раиси ўринбосари А.Гаппаров Кенгаш йиғилишида иштирок этаётган Самарқанд шаҳридаги Қарши йўли МФЙ ёшлар етакчиси Т.Бердиев, Найман МФЙ ёшлар етакчиси  Э.Холмуминов ва Семурғ МФЙ ёшлар етакчиси Г.Зоироваларга сўз навбатини берди.

Маҳаллалар етакчилари университетда ташкил этилаётган тадбирларда маҳаллалардаги ёшларнинг иштироки ошиб бораётганлиги келгусида университетда мавжуд имкониятлардан фойдаланган ҳолда ташкил этиладиган тадбирлар салмоғини кенгайтиришини таъкидлаб ўтишди. Шунингдек Университетда Ўзбекистон Республикаси Олий ва ўрта махсус таълим вазирининг 2022-йил 9-сентябрьдаги Олий таълим муассасаларида Ахборот ва мураббийлик соатларинини самарали ташкил этиш ва талабаларнинг Ижтимоий фаоллик индексини жорий этиш тўғрисидаги 301-сонли буйруғи ижроси бўйича Университет Ёшлар билан ишлаш, маънавият ва маърифат бўлими бошлиғи Ш.Қурбонов талабаларнинг Ахборот ва мураббийлик соатларида иштироки, дарс машғулотларидаги давомати, университетнинг Ички тартиб қоидалари ва Одоб ахлоқ кодекисига риоя этиши, жамоат ишларидаги иштироки ҳамда 5 ташаббус доирасидаги тўгаракларда фаоллиги учун ҳар семистрда 100 баллик тизимда баҳоланиш ва тўплаган балига қараб рағбатлантирилиши белгиланганлигини таъкидлаб ўтди.

Ахборот хизмати