Mazkur forum an’anaviy tarzda har o‘quv yili Samarqand davlat veterinariya medisinasi, chorvachilik va biotexnologiyalar Universiteti (O‘zbekiston) hamda Vitebsk davlat veterinariya Akademiyasida (Belorus)da bo‘lib o‘tadi. 

Onlayn platformada tashkil etilgan marosimda Samarqand davlat veterinariya meditsinasi, chorvachilik va biotexnologiyalar universiteti mas’ullari, rektor - professor Xudaynazar Yunusov, prorektor Alibek Gapparov, Xalqaro bo‘lim boshlig‘i Jamol Rajabov hamda talaba - yoshlar ishtirok etishdi.

Professor Yunusov universitetning eng yaqin hamkori va maslakdoshi bo‘lgan Vitebk davlat veterinariya meditsinasi Akademiyasi (Belorus Respublikasi) mas’ullariga, shuningdek tadbir tashkilotchilari Fedotov hamda Gapparovlarga hamkorlik va do‘stlik uchun minnatdorlik bildirdi, shuningdek yoshlarni bilimli va vatanparvar qilib tarbiyalashda, bu kabi forumlarning ahamiyati katta ekanini ta’kidladi.

Akademiya rahbariyati, shuningdek otaxon ustoz, veterinar olim, akademik A.Yatusevich forum ishtirokchilari, ayniqsa samarqandlik shogirdlari va hamkasblaridan minnatdor ekanini alohida ta’kidlab, universitet rektori, professor Yunusovga alohida rahmat aytdi.

Professor – o‘qituvchilar talaba – yoshlarning bilimini sinovdan o‘tkazishdi. Tomonlar bir – biriga mutaxassislik fanlaridan savollar berishdi.

Marosim so‘ngida faol ishtirok etgan a’lochi talabalar taqdirlandi. Forum ertaga ham davom etadi.

Axborot xizmati