Азиз болажонлар! Сиз бизнинг қувончимиз, ҳаётимиз мазмуни ва ниҳоят Ўзбекистонимизнинг эртанги эгаларисиз!  
Сизни севамиз, ардоқлаймиз, истакларингизни бажо келтириш учун меҳнат қиламиз!
Азалдан халқимиз болажон – барча эзгу ниятларини фарзандлари камолида кўради. Сизнинг қувончингиз – демак бизнинг қувончимиз!
Юртимизда Сизлар учун яратилаётган шароитлар, имтиёзлар ва эътиборни кўриб, биз катталар ҳам баъзида бола бўлгимиз келади. Ҳа, сиз ана шундай болажон ўлкада туғилгансиз – болалик – подшолик  даврини суринг!
Беғубор дунёингиз, шодон кулгуларингиз билан бизни ҳамиша яхши ва эзгу ишларга илҳомлантиринг! 
Ота – онангиз, яқинларингиз, қолаверса Она Ватанингиз бахтига ҳамиша соғ бўлинг! 
Вақти келиб, шу юртга эгалик қиласиз!
Ўқинг, изланинг ва яхши инсон ва яхши мутахассис бўлинг! 
Ҳа, қайси касбни эгалласангиз ҳам энг яхшиси бўлинг! 
Шунда Дунё пойингизда бўлади!
Байрамингиз муборак бўлсин, болажонлар!

Худайназар Юнусов
Биология фанлари доктори, профессор, Ўзбекистон Республикасида хизмат кўрсатган чорвадор
СамДВМЧБУ ректори
Ва севимли бобожонингиз