KONSTITUTSIYA - XALQCHIL DAVLAT, BARQAROR TARAQQIYOT VA FAROVON HAYOT ASOSI!
Assalomu alaykum,
aziz yurtdoshlar! Avvalo Sizlarni 8-dekabr - O‘zbekiston Respublikasi
Konstitutsiyasi kuni bilan chin qalbimdan muborakbod etaman!
Mustaqil
davalatimiz Konstitutsiyasi qabul qilinganining 32 yilligini har yilgidan ko‘ra
o‘zgacha nishonlanishimiz tabiiy. Negaki, 2023 yilda tubdan yangilangan Bosh
qomusimizni umumxalq referendumi asosida qabul qildik hamda milliy
davlatchiligimiz tarixida ilk bor barcha ustuvor qoidalari to‘g‘ridan-to‘g‘ri
qo‘llanadigan mukammal Konstitutsiyaga ega bo‘ldik.
Konstitutsiya nafaqat yuridik hujjat, balki u
milliy mafkuramizning ijtimoiy-siyosiy, ma’naviy asosini tashkil etuvchi
umuminsoniy g‘oyalarga xizmat qiladi.
Bosh qonunimiz -
O‘zbekiston Respublikasi Konstitutsiyasining qabul qilinishi muhim siyosiy,
huquqiy xujjat sifatida jahonda yangi, suveren, istiqboli porloq davlat dunyoga
kelganining o‘ziga xos shahodatnomasi bo‘ldi.
Mustaqil O‘zbekiston Konstitutsiyasi jaxon
hamjamiyatining inson huquqlari sohasidagi yutuqlarini to‘la o‘zida mujassam
qilgan. Ushbu Konstitutsiya inson huquqlari sohasidagi barcha muhim qoidalarni:
insonning yashash, erkinlik va shahsiy daxlsizlik huquqi, mulkdor bo‘lish
huquqi, ta’lim olish va boshqa shu kabi huquqlarni o‘z ichiga olgandir.
Konstitutsiya
nafaqat yuridik hujjat, balki u milliy mafkuramizning ijtimoiy-siyosiy,
ma’naviy asosini tashkil etuvchi umuminsoniy g‘oyalarga xizmat qiladi.
O‘z o‘zingizga
savol bering? Men qonunlarni yaxshi bilamanmi va unga qay tarzda amal
qilaman?
Menimcha,
jamiyatdagi har bir fuqaro o‘ziga ana shu savolni berib ko‘rishi kerak. Talaba,
professor-o‘qituvchi, xox u oddiy xodim bo‘lsin, albatta mavjud
qonun-qoidalarga amal qilib yashashi, huquqlarini bilishi, majburiyatlarini
bajarishi jamiyat hayotida tartib-intizomni, osoyishtalikni ta’minlaydi.
Men fursatdan
foydalanib, yurtimizning barcha fuqarolarini, talaba yoshlarni mamlakatimiz
bosh qomusi – Konstitutsiyamiz qabul qilinganligining 32 yilligi bilan
muborakbod etaman.
Qonunlarni
o‘rganishdan vaqtingizni ayamang, zero u sizning ertangi muvaffaqiyatlaringizni
ta’minlaydi. Yaxshi fuqaro, yaxshi inson, a’lochi va iqtidorli talaba
bo‘lishingizga, jamiyatda hurmat va ehtirom qozonishingizga xizmat qiladi.
Hurmat bilan,
Xudaynazar Yunusov,
Samarqand davlat veterinariya meditsinasi,
chorvachilik va biotexnologiyalar universiteti
rektori, professor.