Samarqand davlat veterinariya meditsinasi, chorvachilik va biotexnologiyalar universitetida 21-oktabr — O‘zbek tiliga davlat tili maqomi berilgan kun munosabati bilan “Ona tilim — iftixorim!” nomli adabiy-badiiy kecha tashkil etildi.

Tadbir O‘zbekiston Respublikasi Davlat madhiyasi bilan boshlandi. Universitet rektori, professor va akademik X.B. Yunusov tadbirni kirish so‘zi bilan ochib, ona tilimizning milliy o‘zligimiz, ma’naviyatimiz va qadriyatlarimizni asrab-avaylashdagi o‘rni, shuningdek, yosh avlodda ona tiliga hurmat va ehtirom tuyg‘ularini mustahkamlashning ahamiyatini ta’kidladi.

Rektor ona tilimizga bo‘lgan yuksak ehtiromini she’riy satrlar orqali ifoda etib, o‘zbek tiliga bag‘ishlangan she’rni samimiyat bilan o‘qib berdi.

Tadbirda Samarqand davlat pedagogika instituti o‘qituvchisi Jalilova Muxlisa Zafarjon qizi ham ishtirok etib, ona tilimizning boyligi, jozibasi va milliy qadriyatlarimizdagi o‘rni haqida fikr bildirdi.