UNIVERSITETDA “REKTOR KUBOGI” SPORT MUSOBAQALARI BO‘LIB O‘TMOQDA
SamDVMCHBUda “Sog‘lom hayot – farovon kelajak garovidir” shiori ostida universitet professor-o‘qituvchi va ishchi-xodimlari o‘rtasida sportning futbol, voleybol, shaxmat va stol tennisi turlaridan “REKTOR KUBOGI” sport musobaqalari bo‘lib o‘tmoqda.
Musobaqalar boshlanish avvalida universitet rektori, professor Xudaynazar Yunusov soʻzga chiqib barchani bugungi sport bayrami bilan tabriklab, universitetimiz ishchi-xodimlari oʻrtasida sogʻlom turmush tarzini targʻib qilish va sportga boʻlgan qiziqishlarini yanada oshirish maqsadida tashkil etilayotganini taʼkidlab, ishtirokchilarga omad tiladi.
Shundan soʻng universitet rektori, professor Xudaynazar Yunusov toʻp tepib, Rektorat, Zooinjeneriya va mahsulotlarni qayta ishlash texnologiyasi fakulteti, Veterinariya diagnostikasi va oziq-avqat xavfsizligi, Veterinariya profilaktikasi va davolash, Biotexnologiya, Iqtisodiyot, Agrotexnologiya, Nuroniylar va Ustozlar jamoalari oʻrtasida boʻladigan futbol musobaqalarini boshlab berdi.
Futbol musobaqalari Nuroniylar va Ustozlar jamoalarining oʻyinlari bilan boshlandi.
