Oliy ta’lim, fan va innovatsiyalar vaziri Qo‘ng‘irotboy Sharipovni universitet rektori, professor Xudaynazar Yunusov boshchiligidagi mas’ul shaxslar kutib oldi.

Universitet rektori mehmonlarga universitet bosh binosi oldidagi birinchi veterinar shifokori siymosi aks etgan monumentga ta’rif berib, uning yaratilish tarixi, ma’no-mazmuni haqida batafsil to‘xtalib, universitet hayoti va faoliyatiga haqida qisqacha ma’lumot berdi.

Shuningdek, vazir Qo‘ng‘irotboy Sharipov estalik uchun universitet bog‘iga daraxt ko‘chatlarini ekdi.

Vazirning Universitetga tashrifi davomida Jahon banki, Islom taraqqiyot banki hamda Halqaro loyihalar doirasida tashkil etilgan 12 ta  laboratoriyalar faoliyati bilan tanishib, o‘quv va laboratoriya darslarida talabalar va professor-o‘qituvchilar bilan suhbatlashdi.

Suhbat davomida Vazir tomonidan chorvachilikda ozuqa bazasini mustahkamlash uchun suvtejamkor texnologiyalar asosida yangi yem-xashak ekinlari navlari ustida ishlash, yaylovlarda o‘simliklarni turlarini ko‘paytirish borasida keng qamrovli tadqiqotlar olib borish, mahallalarda aholi xonadonlaridagi chorva hayvonlari uchun veterinariya xizmatini ko‘rsatish shahobchalarini tashkil etish taklifi berildi.

Shuningdek, Vazir Q.A.Sharipov universitetda yo‘lga qo‘yilgan Megaloyiha doirasida tashkil etilgan, amaliy darslarni o‘tishga mo‘ljallangan ilmiy-pedagogik kadrlar tayyorlash inkubatori - vivariy bilan tanishib, amalga oshirilayotgan ishlarni ko‘zdan kechirdi hamda o‘z tavsiyalarini berdi.