Adliya vazirligi tomonidan 2023-yil 14-noyabrdagi 3476-son bilan ro‘yxatdan o‘tkazilgan Qishloq xo‘jaligi vazirining “Agrar sohadagi oliy ta’lim muassasalari qoshidagi akademik litseylar bitiruvchilarini ushbu oliy ta’lim muassasalariga yakka tartibda suhbat o‘tkazish orqali o‘qishga qabul qilish tartibi to‘g‘risida”gi 2023-yil 19-oktyabrdagi buyrug‘iga asosan Akademik litseylarning bitiruvchilarini Samarqand davlat veterinariya meditsinasi, chorvachilik va biotexnologiyalar universitetiga qabul qilish bo‘yicha suhbat o‘tkazildi.

Universitet rektori, professor Xudaynazar Yunusov boshchiligidagi professor-o‘qituvchilardan tashkil topgan “Suhbat komissiyasi” o‘ttiz nafardan ziyod litsey bitiruvchilarini universitetning mos bakalavriyat ta’lim yo‘nalishlariga suhbat asosida qabul qilishdi.