Samarqand davlat veterinariya meditsinasi, chorvachilik va biotexnologiya universiteti Xitoyning Tarim universiteti bilan uzoq muddatli hamkorlik aloqalariga ega. Ikki universitet oʻrtasidagi ilmiy va texnologik almashinuv va hamkorlikni mustahkamlash maqsadida universitetga professor Chjijun Li va doktor Gui Chhong Shkai tashrif buyurib, universitet rektori, professor Xudaynazar Yunusov qabulida boʻldi.

Uchrashuvda Rektor Xitoy bilan ishlash biz uchun har tomonlama manfaatli ekanligi, chorvachilik, biotexnologiya, oʻsimlikshunoslik kabi barcha yoʻnalishlarda hamkorlikda ishlashga tayyor ekanligini taʼkidladi.

Mehmonlar Biotexnologiya va Biologiya, ekologiya va dorivor oʻsimliklar kafedrasi, Mega-loyiha doirasida dorivor oʻsimliklarga ixtisoslashtirilgan tajriba uchastkasi va Qorakoʻlchilik mahsulotlari muzeyi faoliyati bilan yaqindan tanishdi.