Universitet kirish darvozasi, bosh bino oldida qirg‘og‘ini dengiz to‘lqinlari yuvib turgan oroldagi turli hayvon va parrandalar hamda birinchi veterinar shifokori siymosi aks etgan monument o‘rnatilgan.

Universitetda Veterinariya fakultetini 1995-yilda bitirgan bitruvchilar uchrashuvida ishtirok etgan O‘zbekiston Respublikasi Veterinariya va chorvachilikni rivojlantirish qo‘mitasi raisi Bahrom Norqobilov universitet rektori, professor Xudaynazar Yunusov ishtirokida ana shu monumentni ochib berdi.

Universitet rektori, professor Xudaynazar Yunusov monument yaratilishi tarixi, ma’no-mazmuni haqida gapirib, haykaltarosh Turkman Esonovning bu boradagi xizmatlari katta ekanligini ta’kidladi.

Shuningdek, Qo‘mita raisi Bahrom Norqobilov universitetda qisqa vaqtda juda katta ishlar amalga oshirilganligini ta’kidlab, bu borada Qo‘mita va universitet jamoasining mehnatlarini e’tirof etdi.