Samarqand davlat veterinariya meditsinasi, chorvachilik va biotexnologiyalar universitetiga tashrif buyurgan O‘zbekiston Respublikasi Veterinariya va chorvachilikni rivojlantirish qo‘mitasi raisi Bahrom Norqobilov foydalanishga topshirilgan yangi o‘quv binoda yaratilgan shart-sharoitlar, zamonaviy o‘quv xonalari, laboratoriyalar bilan tanishib, yuqori baho berdi.

- Rosti, sizlarga havasim kelayapti, - dedi o‘quv xonalarida talabalar bilan suhbatda Bahrom Norqobilov. – Sizlarning o‘qib, ta’lim olishlaring uchun barcha sharoitlar yaratilgan. Eng muhimi, sizlar o‘z sohalaringizni yaxshi bilib, yetuk mutaxassis bo‘lib yetishishlaring lozim.

Shuningndek, Bahrom Norqobilov  jamiyatda veterinariya kasbining muhimligi va insoniyat taraqqiyotidagi ahamiyati haqida gapirib, Qo‘mita va universitet tomonidan soha rivoji yo‘lida olib borilayotgan ijobiy ishlar haqida to‘xtalib o‘tdi.