O‘zbekiston Respublikasi Veterinariya va chorvachilikni rivojlantirish qo‘mitasi raisining 2024-yil 26-fevraldagi 24-i/ch-son buyrug‘i hamda universitet rektorining 2024-yil 20-martdagi 67-son buyrug‘iga asosan Respublika fan olimpiadasining birinchi saralash bosqichi ochilish tadbiri bo‘lib o‘tdi.

Mazkur tadbirda universitet rektori, professor X.Yunusov rahbarligida soha prorektorlari, fakultet dekanlari, bo‘lim boshliqlari, professor-o‘qituvchilari hamda iqtidorli talaba-yoshlari ishtirok etdi.

Universitet rektori, professor X.Yunusov bu olimpiada talaba-oshlar iqtidorini kashf etish, ularning intellektual salohiyatini oshirish, qolaversa, iqtidorli yoshlarni aniqlash va qo‘llab-quvvatlash maqsadida tashkil etilayotganligini ta’kidlab, olimpiada ishtirokchilariga yuqori natijalarni qo‘lga kiritishlarida omad tiladi.