Qozoq milliy agrar tadqiqotlar universiteti Klinik veterinariya meditsinasi kafedrasi professori Sarsenbek Siyabekov hamda dotsent Almas Tug‘anbayevlar universitetning Ichki yuqumsiz kafedrasida vaqtincha ish faoliyatini boshlab, talabalarga dars o‘tishni boshladi. 
Shu munosabat bilan mehmonlar universitet rektori, professor X.Yunusov qabulida bo‘ldi. Rektor va mehmonlar ikki universitet o‘rtasidagi ikki tomonlama do‘stlik va hamkorlikni yanada rivojlantirish, o‘quv, amaliy almashinuvlar, qo‘shma ta’lim dasturlari, rahbar va pedagog kadrlarni malakasini oshirish va amaliyot o‘tashga yuborish, ilg‘or tajribalarni keng joriy etish, seminar va master klasslar o‘tkazish yuzasidan suhbatlashib, fikrlar almashdi

SamDVMCHBU Axborot xizmati