Universitetning xalqaro reytingida nufuzini oshirishda qanday ishlar amalga oshirilmoqda?
Bugungi kunda Samarqand davlat veterinariya medisinasi, chorvachilik va biotexnologiyalar universitetining milliy va xalqaro reytingda nufuzini yanada oshirishda xalqaro e’tirof etilgan tashkilotlar reytingida yuqori o‘rinlarda turuvchi universitetlar bilan keng ko‘lamli fundamental, amaliy va innovasion hamkorlik, shuningdek tadqiqotlar amalga oshirilmoqda.
Akademik almashuv dasturlarida universitet professor-o‘qituvchilari va talabalarining ishtirokini ta’minlash, hamkorlikda darslik, o‘quv qo‘llanmalar, Web of Science”, “Scopus” xalqaro ilmiy-texnik ma’lumotlar bazalarida indekslanuvchi jurnallarda ilmiy maqolalar chop etish, xalqaro konferensiyalar tashkil etish maqsadida bir qancha amaliy ishlar qilinyapti. Xususan, bu borada, TOP-1000 talik ro‘yxatidagi Qozog‘iston milliy agrar tadqiqotlar universiteti, Olmaota texnologiyalar universiteti bilan o‘zaro hamkorlik memorandumi imzolangan bo‘lib, mazkur hamkorlik memorandumiga asosan universitetning Zooinjeneriya fakulteti Hayvonlar genetikasi, seleksiyasi, urchitish va ko‘paytirish hamda Xususiy zootexniya kafedrasi bilan yaqin aloqalar o‘rnatilgan.
Ayni kunda Qozog‘iston milliy agrar tadqiqotlar universitetining “Zooinjeneriya” fakulteti o‘qituvchilari akademiklar - Баймәжі Ерлік Баймәжіұлы, Қадыкен Ризабек fakultet talabalariga dars o‘tishmoqda.
Axborot xizmati