Bugun Samarqand davlat veterinariya medisinasi, chorvachilik va biotexnologiyalar universiteti, maxsulotlarni qayta ishlash va standartlash fakulteti, qishloq xo‘jalik  mahsulotlarini qayta ishlash texnologiyasi, standartlash va sertifikatlash kafedrasida “Qishloq xo‘jalik mahsulotlarini ozuqaviy xavfsizligini ta’minlashning rivojlantirish istiqbollari” mavzusida xalqaro ilmiy-amaliy konferensiya bo‘lib o‘tdi. Konferensiyada bir nechta rivojlangan xorij oliy ta’lim muassasalari ishtirok etishdi, jumladan Latviyaning Tabiiy fanlar va texnologiyalar universiteti, Polshaning Krakov Agrar universiteti, Litvaning Kaunas qishloq-xo‘jalik akademiyasi, Ukrainaning Milliy agrar fanlar akademiyasining Sabzavot va polizchilik instituti; Belorussiyaning Vitebsk davlat veterinariya medisinasi akademiyasi; Rossiyaning Xalklar Do‘stligi universiteti;Tashkent davlat agrar universiteti; Andijon, Farg‘ona OTMlari va SamDVMCHBU professor-o‘qituvchilari, doktorant, magistr va talabalar ishtirok etishdi.

Konferensiyada bugungi kunda dolzarb bo‘lgan organik qishloq xo‘jaligini rivojlantirish, “polizdan dasturxongacha” bo‘lgan zanjirda maxsulot sifatini boshqarish va nazorat qilish muammolari va yechimlari muhokama qilindi. Organik maxsulotlarni ishlab chiqarishda innovasion usullar va texnologiyalarni joriy etish, organik mahsulotlarni ishlab chiqarishda ilg‘or tajribalarni joriy etish yullari, yangi ilmiy va amaliy xalqaro loyihalarni ishlab chiqarish bo‘yicha yangi g‘oyalar xususida fikr almashildi.

Qishloq xo‘jalik mahsulotlarining ozuqaviy havfsizligini ta’minlashda logistik markazlarining ahamiyati, mahsulotlarni qadoqlash materiallarining sifatga ta’siri va ishlab chiqarishda sifatni boshqarish xalqaro tizimlarini joriy etish muhimligi ilmiy asolangan ishlar bilan taqdimot qilindi.

Xalqaro standartlarni Global GAP, ISO 22000, HACCP ishlab chiqarishga joriy etilishi ichki va tashqi bozor -iste’molchilarni sifatli mahsulotlar bilan  ta’minlash bilan birga mamlakatimizning ekspert salohiyatini oshirish imkoniyatlari ko‘rsatildi.

Axborot xizmati