DAAD hamkorlik tashkiloti eksperti Universitetda
O'zbekiston Respublikasining 2022-yil 31-martdagi "Veterinariya va chorvachilik sohasida kadrlar tayyorlash tizimini tubdan takomillashtirish to'g'risidagi PQ-187-sonli qaroridagi vazifalar ijrosini ta’minlash maqsadida 2023-yil 16-noyabr kuni DAAD hamkorlik tashkiloti eksperti Umbach Stefan Anton Samarqand davlat veterinariya meditsinasi, chorvachilik va biotexnologiyalar universitetiga tashrif buyurdi.
Tashrifdan ko'zlangan asosiy maqsad universitet va DAAD hamkorlik tashkiloti birgalikda bir nechta ilmiy loyihalarni amalga oshirishdan iborat. Bu o'z navbatida universitetdagi professor-o'qituvchilar hamda talabalarga Germaniyada mutaxassisligiga doir ilmiy salohiyatini oshirish hamda amaliyot qilish kabi imkoniyatlari kengligi va bularni amalga oshirish maqsadida o'quv ishlari bo'yicha prorektor A.A.Elmurodov, xalqaro aloqalar bo'limi boshlig'i va xorijiy tillar kafedrasi mudiri bilan birgalikda suhbat jarayonida hamkorlik shartnomalarini yo'lga qo'yish rejalari kelishib olindi.
Tashrif davomida DAAD hamkorlik tashkiloti eksperti Umbach Stefan Anton talabalar bilan uchrashib ularga DAAD hamkorlik tashkiloti haqida tushunchalar berib o'tdi. Uchrashuv davomida talabalarni qiziqtirgan savollarga javob berdi. Uchrashuv qiziqarli savol-javoblar bilan ko'tarinki ruhda yakunlandi.
Axborot xizmati