Joriy yilning 16-20-oktyabr kunlari Oliy ta’lim, fan va innovasiyalar vazirligi tomonidan o‘tkazilayotgan Kreativ ta’lim va innovasiya Yangi O‘zbekiston taraqqiyotining asosi shiori ostida» “InnoWeek.Uz-2023” innovasion g‘oyalar haftaligining rasmiy ochilish marosimi Alpomish muz saroyida bo‘lib o‘tdi.

“InnoWeek.Uz-2023” innovasion goyalar haftaligi har yilgidan farqli o‘laroq, joriy yilda haftalik nafaqat poytaxtimiz, balki butun respublikamizda xususan barcha oliy ta’lim muassasalarida o‘tkazilmoqda.

“InnoWeek.Uz-2023” innovasion g‘oyalar haftaligini tashkil etishdan asosiy maqsad davlat va xususiy oliy ta’lim muassasalarining olimlari, kasb-hunar maktablari jamoasi, ilmiy tadqiqotchi yoshlar va viloyat ishbilarmonlarining turli uchrashuv va seminarlari, startap loyiha mualliflari va loyiha rahbarlarining master klasslari, innovatorlarning ilmiy-amaliy konferensiyalari, turli xil tor va keng doiradagi uchrashuvlar, shartnoma va memorandumlar imzolash hamda innovasion mahsulotlar ko‘rgazmalarini tashkil etishdan iborat.

Axborot xizmati