Germaniyaning Markaziy Osiyo mamlakatlari qishloq xoʻjalik va veterinariya sohasini oʻrganish boʻyicha tashkil etilgan ilmiy – tadqiqot markazi mutasaddilaridan iborat navbatdagi delegatsiya universitetga tashrif buyurdi va universitet rektori, professor Yunusov qabulida boʻldi.

Delegatsiya mutasaddi rahbarlari S.SPANSJOL va K.LONGO va boshqalardan iborat delegatsiya aʼzolari   Oʻzbekistonda iqtisodiy islohotlar va barqaror iqtisodiy rivojlanishni qoʻllab-quvvatlash loyihasi - Chorvachilik va veterinariya sohasini rivojlantirish hamda mustahkamlash doirasidagi mazkur 2 yillik dastur boʻyicha mamlakatimizda amalga oshirilayotgan ishlar bilan yaqindan tanishmoqda.

Dastur rejasiga koʻra,ilmiy tadqiqot institutlarini mustahkamlash,OTMda kadrlar tayyorlashni yaxshilash va yaxshi tayyorlangan kadrlar zaxirasini yaratish,Oʻzbekiston va Germaniya universitetlari va kollejlari oʻrtasidagi aloqalarni mustahkamlash va hamkorliklarni yoʻlga qoʻyish,Oʻzbekiston hududlarida veterinariya shifokorlari (va fermerlar) uchun maqsadli malaka oshirish sharoitlarini yaratish kabi  yoʻnalishlar boʻyicha hamkorlik qilish nazarda tutilgan.

Mutasaddilar universitet rahbariyati bilan aynan shu mavzularda muloqot qildilar.

Axborot xizmati