O‘zbekiston Respublikasi Oliy ta’lim, fan va innovatsiyalar vazirining 2023-yil 25-avgustdagi "Oliy ta’lim muassasalarining 2023/2024-o‘quv yiliga tayyorgarlik holatini joylarga chiqib o‘rganish to‘g‘risida"gi 388-sonli buyrug‘i ijrosi yuzasidan bugun Oliy ta’lim, fan va innovatsiyalar vazirligining bo‘lim boshlig‘i Dilshod Muydinov boshchiligidagi biriktirilgan mas’ul xodimlar ishtirokida universitetning 2023/2024-o‘quv yiliga tayyorgarlik holati o‘rganildi. 
Biriktirilgan mas’ullar joriy yilning 31-avgust kuniga qadar amalga oshirilishi lozim bo‘lgan o‘quv, ilmiy-uslubiy, ilmiy-tadqiqot, ma’naviy-ma’rifiy va tashkiliy-uslubiy ishlar hamda moddiy-texnik ta’minot holatini Oliy ta’lim, fan va innovatsiyalar vazirligi tomonidan tuzilgan savolnoma asosida atroflicha o‘rganib, tayyorgarlik holati yuzasidan o‘z taklif va mulohazalarini bildirishdi.