Bugun Universitetda Mega loyiha doirasida yangidan barpo etilgan parrandachilikka ixtisoslashtirilgan tajriba markazining ochilish marosimi bo‘lib o‘tdi. Ochilish marosimida universitet rektori, professor X.B.Yunusov boshchiligida bir qator sohaning yetuk professor-o‘qituvchilari va olimlari jamoasi ishtirok etishdi. Tadbirda ta’kidlab o‘tildiki, bugungi kunda parrandachilik tarmog‘i yuksalib borayotgan bir paytda soha olimlarini yetuk bilimli qilib ishlab chiqarish, yosh tadqiqotchilarga soha yuzasidan ko‘nikmalarini to‘laqonli shakllantirish, fan – ta’lim – va ishlab chiqarish integratsiyasini yo‘lga qo‘yish hamda talaba yoshlarga sohaning siru – sinoatlarini o‘rgatish maqsad qilingan. Ushbu binodan kelajakda turli tadqiqotlar olib borilishi haqida kelishib olindi va belgilangan vazifalar amaliyotga ilmiy ishlanmalar qilib tadbiq etish belgilandi.

Ushbu markazda universitetning mustaqil izlanuvchilari F.Berdiqulov hamda D.Ibragimovlar bugungi kunda dolzarb muammolardan biri bo‘lgan “Broyler tovuq krosslarini parvarishlashning dolzarb muammolari” yechimiga bag‘ishlangan tajriba sxemalari asosida ilmiy-tadqiqot ishlarini boshlashdi.

Axborot xizmati