Bugungi kunda Samarqand davlat veterinariya meditsinasi, chorvachilik va biotexnologiyalar universitetining xalqaro nufuzini oshirish, xorijiy davlatlarning nufuzli oliygohlari bilan hamkorlikda keng ko'lamli fundamental, amaliy va innovatsion tadqiqotlarni tashkil etish, innovatsion ta'lim va texnologiyalar transferini qo'llab-quvvatlash tizimini yaratish, xorijiy oliy ta'lim muassasalari bilan akademik almashuv dasturlarida universitet professor-o'qituvchilari va talabalarining ishtirokini ta'minlash, birgalikda darslik, monografiya, o'quv qo'llanmalar, ilmiy maqolalar chop etish maqsadida 2019 yil 4 fevralda TOP-1000ga kiradigan Qozoq milliy agrar tadqiqotlar universiteti bilan o'zaro hamkorlik shartnomasi imzolangan bo'lib, shu shartnomaga asosan universitetimizning ko'plab kafedralari xalqaro hamkorlik aloqalarini yo'lga qo'yishgan. Jumladan, Iqtisodiyot va buxgalteriya hisobi kafedrasi Qozoq milliy agrar tadqiqotlar universitetining Hisob, audit va moliya kafedrasi bilan hamkorlikni yo'lga qo'yib, shu hamkorlik doirasida 2023 yil 19-29 aprel kunlari Qozoq milliy agrar tadqiqotlar universitetining Hisob, audit va moliya kafedrasi dotsenti Serekbayeva Saule Gabitovna va katta o'qituvchi Yeveskina Janar Tugelbayevnalar universitetimizda bo'lishdi. Mehmonlar universitetimiz rektori, professor Yunusov Xudoynazar Beknazarovich qabulida bo'lib, ikkala universitet kafedralari o'rtasida olib borilayotgan hamkorlik doirasida bajarilgan va bajarilayotgan ishlar haqida so'zlab berdi.

Universitetlar ortasidagi hamkorlikdan ikkala tomon ham manfaatdor ekanligini takidlab, Universitetimiz rektori professor Yunusov Xudoynazar Beknazarovichga Qozoq milliy agrar tadqiqotlar universiteti rektorining Tashakkurnoma”sini topshirdi.

Qozoq milliy agrar tadqiqotlar universiteti professor-o'qituvchilari Iqtisodiyot ta'lim yo'nalishi qo'shma dastur 2-bosqich va Iqtisodiyot fakulteti 3-bosqich talabalariga "Бухгалтерский учет и аудит"(“Buxgalteriya hisobi va audit” fanidan ma’ruza va amaliy mashg‘ulot darslarini o‘tishdi.

Tashrif davomida mehmonlar universitetimizning o‘quv binolari, axborot resurs markazi bilan ham tanishishdi.

Shuningdek qadimiy va navqiron Samarqand shahrining o'ziga xos tashrif qog'ozi bo'lgan Registon maydoni, Go'ri Amir maqbarasi, Bibixonim maqbarasi, Boqiy Samarqand turistik markazi, Shahrisabzdagi Oqsaroy majmuasida ham bo'lishdi.

Axborot xizmati