Universitetning Veterinariya diagnostikasi va oziq-ovqat xavfsizligi fakulteti VETERINARIYA SANITARIYA EKSPERTIZASI KAFEDRASIDA «OZIQ-OVQAT MAHSULOTLARI XAVFSIZLIGINI TA’MINLASHNING DOLZARB VAZIFALARI» mavzusida Ilmiy-amaliy konferensiya bo‘lib o‘tdi. Unda kirish so‘zini Veterinariya sanitariya ekspertizasi kafedrasining mudiri, v.f.n., dosent F.B.Ibragimov olib, konferensiya ishtirokchilarini konferensiya dasturi bilan tanishtirdi va konferensiyani rasman ochib berish uchun so‘zni Samarqand davlat veterinariya meditsinasi, chorvachilik va biotexnologiyalar universiteti rektori, professor Yunusov Xudoynazar Beknazarovichga berdi.Tadbirda O‘zbekiston Respublikasi veterinariya va chorvachilikni rivojlantirish qo‘mitasi raisining birinchi o‘rinbosari, professor Sh.A.Jabborov, boshqarma boshlig‘i J.M.Tursagatovlar ham ishtirok etib «Respublikada veterinariya sanitariya ekspertizasi laboratoriyalarining faoliyatini takomillashtirish» mavzusidagi ma’ruzasi bilan ishtirok etdi va konferensiya ishiga omad tiladi.

Shundan so‘ng Univesitetning xalqaro hamkorlari Sankt- Peterburg davlat veterinariya meditsinasi universiteti professori, akademik E.D.Djavadov «Hayvonot dunyosi mahsulotlarini biologik xavfsizligi» mavzusida, Osiyo taraqqiyot banki ishtirokidagi «Chorvachilik sohasida qo‘shilgan qiymat zanjirini yaratishni rivojlantirish» loyihasi doirasida veterinariya mutaxassislarini o‘qitishni tashkil qilish bo‘yicha xalqaro ekspert, professor Ventaka Subba Rao Mandava «Oziq-ovqat xavfsizligining xalqaro muammolari» mavzusidagi ma’ruzasi bilan ishtirok etdi.

Bundan tashqari, viloyat hokimining maslahatchisi Nurqulov Abdumajit Alibekovich, Belarus Respublikasi Vitebsk davlat «Hurmat belgisi» ordenli Veterinariya meditsinasi akademiyasi rektori, qishloq xo‘jaligi fanlari doktori, professor Gavrichenko Nikolay Ivanovich,

Jangirxon nomidagi Gʻarbiy Qozog‘iston agrar texnika universiteti veterinariya va chorvachilik instituti direktori, veterinariya fanlari nomzodi, dotsent Nurgaliyev Birjan Elubayevich, O‘sh davlat universiteti «Veterinariya va biotexnologiya» kafedrasi mudiri, qishloq xo‘jaligi fanlari doktori, professor Abdurasulov Abdug‘ani Xalmurzayevich va zahiradagi polkovnik Hamraqulov Solijon Subxonovichlar ishtirok etib, Respublika va xalqaro miqyosidagi barcha turdagi oziq-ovqat mahsulotlari xavfsizligi bo‘yicha o‘z fikrlarini bildirib, konfernsiya ishiga muvaffaqiyatlar tiladilar.

Plenar yig‘ilishda Universitetning 2 bosqich magistranti Xolova Umida «Asalarilarning braullyoz kasalligida invert shakar miqdori»,

VITI Brusenllez kasalligini o‘rganish laboratoriyasi mudiri, v.f.f.d (PhD) Ulug‘muradov Azamat Daminovich – «Hayvonlar brusellyozi allergodiagnostikasi bo‘yicha olib borilgan tadqiqotlar va bu boradagi yangi yondoshuvlar», Universitetning 2-bosqich tayanch doktoranti Boysinova Nasiba Boysinovna – «Aktivil-3 qo‘llanganda broyler jo‘jalar go‘shtining veterinariya sanitariya jihatdan bahosi va laboratoriya tahlili», Universitetning 3-bosqich tayanch doktoranti Hamrayev Asqar Xasanovich - «Karpsimon baliqlarning ligulyozi, epizootologiyasi va veterinariya-sanitariya ekspertizasi» mavzusidagi maqolalari bilan ishtirok etishdi.

Konferensiyada Fakultetning Veterinariya sanitariya ekspertiza ta’lim yo‘nalishining yuzdan ortiq talabalari ishtirok etishdi va kelajakda o‘zlariga kerak bo‘ladigan ma'lumotlarga ega bo‘lishdi.

 Axborot xizmati